Working towards greater community control over land, forests and natural resources

Posts Tagged ‘​ຫຼວງ​ພະ​ບາງ’

ປ່າ​ສະ­ຫງວນ​ນ້ຳ​ແອດ​ພູ​ເລີຍ ຄວ້າ​ລາ­ງວັນ​ດີ­ເດັ່ນ​ການ­ທ່ ອງ­ທ່ຽວ​ໂລກ

ໜັງສືພິມເສດຖະກິດ-ສັງຄົມ, ວັນທີ 25 ທັນວາ 2014

ປ່າ​ສະ­ຫງວນ​ນ້ຳ​ແອດ​ພູ​ເລີຍ ຄວ້າ​ລາ­ງວັນ​ດີ­ເດັ່ນ​ການ­ທ່ອງ­ທ່ຽວ​ໂລກ

 

ເປັນ​ປີ​ທີ 2 ຕິດ­ຕໍ່​ກັນ​ທີ່​ແຂວງຫົວ­ພັນ ໄດ້​ລາ­ງວັນ​ລະ­ດັບ​ໂລກ​ດ້ານການ­ທ່ອງ­ທ່ຽວ ຍ້ອນ​ສະ­ເໜ​ຄວາມ​ງົດງາມ​ທາງ​ທຳ​ມະ​ຊາດ​ຂອງ​ປ່າ​ສະ­ຫງວນ ລຽບ​ນ້ຳ​ເນີນ​ແດນ​ແຫ່ງ​ການ​ຜະ­ຈົນ​ໄພເປັນ​ຕົວ​ຊ່ວຍ.   ສະ­ນັ້ນ ໃນ​ແລງ​ວັນ​ທີ 23 ທັນ­ວາ 2014 ນີ້, ທີ່​ຫໍ​ວັດ­ທະ­ນະ­ທຳ ແຂວງຫົວ­ພັນ ຈິ່ງ​ໄດ້​ຈັດ​ພິ­ທີ​ສະ­ຫຼອງ​ຂັນ​ລາງວັນ​ດີ­ເດັ່ນ​ລະ­ດັບ​ໂລກ​ດ້ານ​ການ​ທ່ອງທ່ຽວ​ທີ່​ມີ​ຄວາມ​ຮັບ­ຜິດ­ຊອບ​ຕໍ່​ສິ່ງ​ແວດລ້ອມ​ທຳ ​ມະ​ຊາດ ແລະ ສັງ­ຄົມ (ແຫຼ່ງ ທ່ອງ​ທ່ຽວ​ທຳ​ມະ​ຊາດ​ນ້ຳ​ເນີນ ເມືອງຫົວ​ເມືອງ) 2 ປີ​ຊ້ອນ​ຄື: ວັນ​ທີ 6 ພະ­ຈິກ 2013 ແລະ ວັນ​ທີ 5 ພະ­ຈິກ 2014 ໃນຫົວ­ຂໍ້: ແຫຼ່ງ​ທ່ອງ​ທ່ຽວ​ຊົມ​ສັດ­ປ່າ​ກາງຄືນ​ລ່ອງ​ນ້ຳ​ເນີນທີ່​ສູນ​ທ່ອງ​ທ່ຽວ​ໂລກ​ທີ່ນະ­ຄອນ­ຫຼວງ​ລອນ​ດອນ ປະ­ເທດ​ອັງ­ກິດ.   ໂດຍ​ການ​ເຂົ້າ​ຮ່ວມ​ຂອງ ທ່ານ ຄຳຮຸ່ງ ເຮືອງ​ວົງ​ສີ ເຈົ້າ­ແຂວງໆ​ຫົວ­ພັນ, ມີ​ບັນ­ດາ​ຫົວ­ໜ້າ-ຮອງ​ຫົວ­ໜ້າ​ພະ​ແນກ ການ​ທີ່​ກ່ຽວ­ຂ້ອງ​ອ້ອມ​ຂ້າງ​ແຂວງ, ຄະນະ​ກອງ​ບັນ­ຊາ​ການ ປກສ, ປກຊ, ເຈົ້າເມືອງ​ທີ່​ມາ​ຈາກ 5 ເມືອງ​ຄື: ເມືອງ​ຮ້ຽມ, ເມືອງ​ຊ່ອນ, ເມືອງ​ຫົວ​ເມືອງ, ເມືອງຊຳ​ເໜືອ ແລະ ເມືອງ​ແອດ ແລະ ມີ​ເຈົ້າເມືອງ​ທີ່​ມາ​ຈາກ​ເມືອງ​ວຽງ​ຄຳ ເມືອງໂພນ​ໄຊ ແຂວງ​ຫຼວງ​ພະ​ບາງ ແລະ ນາຍບ້ານ​ອ້ອມ​ຂ້າງ​ເຂດ​ປ່າ​ສະ­ຫງວນ​ຈຳນວນ 14 ບ້ານ​ເຂົ້າ​ຮ່ວມ​ນຳ.

ເນື້ອທີ่ໄຮ່ເມືອງພູຄູູນ ຫຼຸດລົງເກືອບເຄິ่ງໝຶ่ງ

ໜັງສືພິມເສດຖະກິດ-ສັງຄົມ, ວັນທີ 05 ທັນວາ 2014

ນັບ​ແຕ່​ເມືອງ​ພູ​ຄູນ ແຂວງ​ຫຼວງ​ພະ​ບາງ ໄດ້​ປະ­ກາດ​ອອກ​ຈາກ​ເມືອງທຸກ​ຍາກ​ເມື່ອ​ຕົ້ນ​ປີ 2014 ຜ່ານ​ມາ​ນີ້ ທາງ​ອຳ­ນາດ​ການ​ປົກ­ຄອງ​ເມືອງ​ທຸກ​ຂະແໜງ​ການ​ກໍ​ໄດ້​ສຸມ​ໃສ່​ທຸກ​ເງື່ອນ­ໄຂ​ ທີ່​ສາ­ມາດ​ອຳ­ນວຍ​ຄວາມ​ສະ­ດວກ​ໃຫ້​ແກ່​ຊີວິດ​ການ​ເປັນ​ຢູ່​ທີ່​ດີ​ໃຫ້​ແກ່​ ປະ­ຊາ­ຊົນ​ໂດຍ​ໄດ້​ປຸກ­ລະ­ດົມ​ປະ­ຊາ­ຊົນ​ຖື​ເອົາ​ອາ­ຊີບຖາງ​ປ່າ​ເຮັດ​ໄຮ່​ ຫັນ​ໄປ​ເຮັດ​ອາ­ຊີບ​ອື່ນ​ແທນ ຈິ່ງ​ເຮັດ​ໃຫ້​ເນື້ອ­ທີ່​ການ​ຖາງ​ປ່າ​ເຮັດ ໄຮ່​ທົ່ວ​ເມືອງ​ພູ​ຄູນ​ຈາກ 2 ພັນ​ກວ່າ​ເຮັກ­ຕາ ໃນ​ປີ 2000 ມາ​ຮອດ​ປະ­ຈຸ​ບັນ​ເຫຼືອພຽງ 1 ພັນ​ກວ່າ​ເຮັກ­ຕາ.   ທ່ານ ວຽງ​ທອງ ຫັດ​ສະ​ຈັນ ເຈົ້າ­ເມືອງໆ​ພູ​ຄູນ ໄດ້​ໃຫ້​ຮູ້​ໃນ​ຫວ່າງ​ບໍ່​ດົນ​ນີ້ວ່າ: ເມືອງ​ພູ​ຄູນ ມີ​ທັງ​ໝົດ 7 ກຸ່ມ ບ້ານ​ມີ 1 ຈຸດ​ສຸມ​ຕາມ​ແຜນພັດ­ທະ­ນາ​ຂອງ​ແຂວງ ແລະ 1 ຈຸດ​ສຸມ​ບຸ ລິ​ມະ​ສິດ​ຂອງ​ທ້ອງ­ຖິ່ນ​ທີ່​ນອນ​ຢູ່​ໃນ 54 ຈຸດ​ສຸມ ໃນ​ທົ່ວ​ປະ­ເທດ​ມີ 38 ບ້ານ ມີ 3.723 ຄອບ­ຄົວ, ມີ​ພົນ­ລະ­ເມືອງ 22.807 ຄົນ, ຍິງ 11.310 ຄົນ.

ຕະ­ຫຼອດ​ໄລ­ຍະ​ຜ່ານ​ມາ​ທາງ​ອຳ­ນາດການ​ປົກ­ຄອງ​ທຸກ​ຂັ້ນ​ໄດ້​ສຸມ​ໃສ່​ ພັດ­ທະ­ນາ​ພື້ນ­ຖານ​ໂຄງ​ລ່າງ​ຢ່າງ​ຕັ້ງ­ໜ້າ, ປຸກລະ­ດົມ​ໃຫ້​ປະ­ຊາ­ຊົນ​ບັນ­ດາ­ເຜົ່າ​ພາຍ​ໃນເມືອງ​ ມີ​ຄວາມ​ຕື່ນ​ຕົວ​ເປັນ​ເຈົ້າ​ການຫັນ­ປ່ຽນ​ແນວ​ຄິດ​ຈາກ​ການ​ຖາງ​ປ່າເຮັດ​ໄຮ່​ ປູກ​ເຂົ້າ​ເລື່ອນ­ລອຍ, ການ​ປູກຝິ່ນ​ກິນ​ຝິ່ນ, ການ​ຜະ­ລິດ​ທີ່​ພໍ​ກິນ, ກຸ້ມຕົນ​ເອງ​ໃນ​ແຕ່​ລະ​ປີ, ຫັນ​ມາ​ເຮັດ​ນາ, ເຮັດ​ການ​ບໍ­ລິ­ການ, ການ​ຜະ­ລິດ​ສິນ­ຄ້າ ໂດຍ​ສຸມ​ໃສ່​ການ​ປູກ​ເຂົ້າ­ນາ​ປີ, ນາ­ແຊງ, ປູກ​ຜັກ​ກາດ, ຂີງ, ຊາ, ໝາກ​ນັດ ແລະ ການ​ລ້ຽງ­ສັດ​ໃຫ່​ຍ​ເປັນ­ຕົ້ນ​ແມ່ນ: ງົວ, ຄວາຍ, ໝູ, ແບ້ ໂດຍ​ຈັດ​ຕັ້ງ​ໃຫ້​ລ້ຽງ­ສັດເປັນ​ຄອກ, ເປັນ​ກຸ່ມ​ເຮັດ ໃຫ້​ຈຳ­ນວນ​ສັດລ້ຽງ, ມີ​ທ່າ​ອຽງ​ເພີ່ມ​ຂຶ້ນ​ໃນ​ແຕ່​ລະ​ປີ, ສາ­ມາດ​ສົ່ງ​ຂາຍ​ອອກ​ສ້າງ​ລາຍ​ຮັບ​ໃຫ້ ແຕ່​ລະ​ຄອບ­ຄົວ​ດີ​ຂຶ້ນ​ເປັນ​ກ້າວໆ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes