Working towards greater community control over land, forests and natural resources

Posts Tagged ‘ເສັ້ນທາງລົດໄຟລາວ-ຈີນ’

“ ໜຶ່ງແລວທາງ ໜຶ່ງເສັ້ນທາງ ” ກາລະໂອກາດ ແລະ ສິ່ງທ້າທາຍ

ແຫຼ່ງທີ່ມາຂອງຂ່າວ: ສຳນັກຂ່າວສານປະເທດລາວ, KPL, May 12 2017

http://kpl.gov.la/detail.aspx?id=24350

  • ເສັ້ນສີແດງ (ເສັ້ນເທິງ) ແມ່ນແລວທາງ ເສດຖະກິດ ຕາມເສັ້ນທາງ ສາຍໄໝ, ເສັ້ນສີຟ້າ (ເສັ້ນລຸ່ມ) ແມ່ນເສັ້ນທາງ ສາຍໄໝທາງ ທະເລແຫ່ງ ສັດຕະວັດ ທີ 21.
ຄຳວ່າ “ ໜຶ່ງແລວທາງ ໜຶ່ງເສັ້ນທາງ” ຫລື ພາສາອັງກິດເວົ້າວ່າ “ One Belt One Road ” ໄດ້ແປມາຈາກ ພາສາຈີນ “一代一路” ເຊິ່ງອ່ານອອກສຽງ ເປັນພາສາລາວວ່າ  “ອີຕ້າຍ ອີລູ້ ”. “ ໜຶ່ງແລວທາງ ໜຶ່ງເສັ້ນທາງ ” ແມ່ນຫຍໍ້ມາຈາກ ສອງປະໂຫຍກ ແນວຄວາມຄິດ ຍຸດທະສາດ ຂໍ້ລິເລີ່ມອັນສຳຄັນ ໃນການກໍ່ສ້າງ “ ແລວທາງເສດຖະກິດ ເສັ້ນທາງສາຍໄໝ ແລະ ເສັ້ນທາງສາຍໄໝ ທາງທະເລ ແຫ່ງສັດຕະວັດ ທີ 21” ທີ່ ທ່ານ ສີ ຈິນຜິງ ປະທານປະເທດ ແຫ່ງ ສປ ຈີນ ໄດ້ສະເໜີ ໃນໄລຍະການ ເດີນທາງຢ້ຽມຢາມ ບັນດາປະເທດ ຢູ່ອາຊີ ກາງ ແລະ ອາ ຊີຕາເວັນອອກສ່ຽງໃຕ້ ໃນເດືອນກັນຍາ ແລະ ເດືອນຕຸລາ ປີ 2013  ເຊິ່ງໄດ້ເປັນເຂັມທິດ ຕໍ່ການປະຕິຮູບ ຮອບໃໝ່, ມີຄວາມໝາຍ ອັນສຳຄັນຕໍ່ ປະເທດອ້ອມຂ້າງ ກໍຄືຕໍ່ທົ່ວໂລກ ແລະ ກໍ່ໄດ້ຮັບການ ສະໜັບສະໜູນ ຈາກລັດຖະ ບານລາວ ຢ່າງເຕັມທີ່.

ການກໍ່ສ້າງ “ໜຶ່ງແລວທາງ ໜຶ່ງເສັ້ນທາງ” ແມ່ນຢືດໝັ້ນ ຕາມຫລັກການ “ຮ່ວມກັນປຶກສາ, ຮ່ວມກັນສ້າງ, ຮ່ວມກັນຊົມໃຊ້”, ຕັ້ງໜ້າຊຸກຍູ້ ຍຸດທະສາດ ການພັດທະນາ ຂອງບັນດາປະເທດ ທີ່ຢູ່ຕາມແລວທາງ ໃຫ້ເຊື່ອມໂຍງເຂົ້າກັນ. ຈິດໃຈຂໍ້ລິເລີ່ມ “ ໜຶ່ງ ແລວທາງໜຶ່ງ ເສັ້ນທາງ ” ຂອງປະທານ ສີຈິນຜິງ ແມ່ນເພື່ອສືບຕໍ່ ສ້າງກາລະໂອກາດອັນໃໝ່ໃຫ້ແກ່ ການລົງເລິກຮ່ວມມື ກັບຕ່າງປະເທດ ແລະ ຂະຫຍາຍພື້ນທີ່ ອັນໃໝ່ໃນການ ຮ່ວມມືກັບ ພາກພື້ນ, ໂດຍເລັ່ງໃສ່ ເຊື່ອມໂຍງ 5 ຂົງເຂດໃຫຍ່ ຄື: ສົ່ງເສີມການ ເຊື່ອມໂຍງທາງ ດ້ານນະ ໂຍບາຍ, ການເຊື່ອມໂຍງ ທາງດ້ານພື້ນຖານໂຄງລ່າງ, ສ້າງຄວາມສະດວກ ສະບາຍທາງດ້ານການຄ້າ, ​ການເຊື່ອມໂຍງ ທາງດ້ານທຶນຮອນ, ການເຊື່ອມໂຍງ ຄວາມສຳພັນ ລະຫວ່າງປະຊາຊົນ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes