Working towards greater community control over land, forests and natural resources

Posts Tagged ‘ອົງການ​ປົກຄອງ​ຂັ້ນ​ທ້ອງ​ຖິ່ນ’

ລົງ​ຝຶກ​ວິທີ​ການໃຫ້​ຄວາມ​ຮູ້​ທາງ​ດ້ານ​ກົດໝາຍ​ໃຫ້​ອົງການ​ປົກຄອງ​ຂັ້ນ​ທ້ອງ​ຖິ່ນ

ສູນບໍລິການກົດໝາຍເພື່ອປະຊາຊົນ (FLP CLE)

ລົງ​ຝຶກ​ວິທີ​ການໃຫ້​ຄວາມ​ຮູ້​ທາງ​ດ້ານ​ກົດໝາຍ​ໃຫ້​ອົງການ​ປົກຄອງ​ຂັ້ນ​ທ້ອງ​ຖິ່ນ

ຂຽນໂດຍ: ອາຈານ ປາງທອງ ໄຊຍະວົງ ແລະ ນາງ ປາວິນາ ເທບພິທັກ

ໃນລະຫວ່າງວັນທີ 24 ມັງກອນ 2016 ຫາ ວັນທີ 2 ກຸມພາ 2016 ທີ່ຜ່ານມາ, ທີມງານຄູ-ອາຈານ​ຂອງສູນບໍລິການກົດໝາຍເພື່ອປະຊາຊົນໄດ້ເດີນທາງໄປຝຶກວິທີການລົງ​ຝຶກ​ວິທີ​ການໃຫ້​ຄວາມ​ຮູ້​ທາງ​ດ້ານ​ກົດໝາຍ​ໃຫ້​ອົງການ​ປົກຄອງ​ຂັ້ນ​ທ້ອງ​ຖິ່ນ ຈຳນວນທັງໝົດ 2 ແຂວງ, 3ເມືອງຄື: ເມືອງສິງ, ແຂວງຫຼວງນ້ຳທາ ແລະ ເມືອງຫຼາ ແລະ ເມືອງນາໝໍ້ຂອງແຂວງອຸດົມໄຊ. ໂດຍທຶນຊ່ວຍເຫຼືອຈາກ ອົງການ CARE ໃນການເຄືອນໄຫວກິດຈະກຳດັ່ງກ່າວ.

ການລົງໄປຝຶກການໃຫ້​ຄວາມ​ຮູ້​ທາງ​ດ້ານ​ກົດໝາຍ​ໃຫ້​ອົງການ​ປົກຄອງ​ຂັ້ນ​ທ້ອງ​ຖິ່ນດັ່ງກ່າວແມ່ນນຳພາ​ໂດຍ ທ່ານ ອາຈານ ສຸລິຍັນ ລຸນຈັນທາ, ຫົວໜ້າສູນບໍລິການກົດໝາຍເພື່ອປະຊາຊົນ ​​ແລະ ພ້ອມດ້ວຍ​ຄູ-ອາຈານ​ອີກ​ຈຳນວນໜື່ງ. ໃຫ້ກຽດຕ້ອນຮັບ​ແມ່ນ​ບັນດາ​ຫົວໜ້າຫ້ອງການຍຸຕິ​ທຳ​, ຫ້ອງການ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມຂອງ​ແຕ່ລະ​ເມືອງ. ຈຸດປະສົງ​ຂອງ​ການ​ລົງ​​ເຄື່ອນ​ໄຫວ​ກິດຈະກຳໃນ​ຄັ້ງ​ນີ້​ແມ່ນ​ເພື່ອ​ຝຶກ​ວິທີ​​ການໃຫ້​ຄວາມ​ຮູ້​ທາງ​ດ້ານ​ກົດໝາຍໃຫ້​ແກ່ອົງການ​ປົກຄອງ​ຂັ້ນ​ບ້ານ, ​ເພື່ອ​ເພີ້ມຄວາມອາສາມາດໃຫ້ແກ່ອົງການ​ປົກຄອງ​ຂັ້ນ​ບ້ານ​ໃນການໃຫ້​ຄວາມ​ຮູ້​ທາງ​ດ້ານ​ກົດໝາຍ​ໃຫ້​​ແກ່​ປະຊາຊົນ​​ໃນ​​ບ້ານຂອງຕົນ. ໃນກິດຈະກຳ​ດັ່ງກ່າວ​​ມີຜູ້ເຂົ້າຮ່ວມທັງໝົດ 261 ຄົນຈາກທັງໝົດ 29 ບ້ານ, ເຊື່ງປະກອບມີ: ນາຍບ້ານ, ຮອງ​ນາຍບ້ານ, ​ແນວ​ໂຮມ, ໜ່ວຍ​ໄກ່​ເກ່ຍຂັ້ນ​ບ້ານ, ສະຫະພັນ​ແມ່ຍິງ, ປກສ ບ້ານ, ຫົວໜ້າຊາວໜຸ່ມ, ​ແລະ ພະນັກງານ​ທີ່​ດິນ​ປະຈຳ​ບ້ານ. ເນື້ອ​ໃນ​ຂອງ​ການ​ຝຶກ​ອົບຮົມ​ຄັ້ງ​ນີ້​ແມ່ນ​ໄດ້ນຳໃຊ້ວິທີ​ການສອນແບບ ຊີແອວອີ (CLE) ໂດຍໄດ້ຝຶກວິທີ່ການ​ສ້າງ​ແຜນການ​ສອນເຊີ່ງ​ມີທັງໝົດ 7 ອົງ​ປະກອບຄື: ຫົວ​ຂໍ້, ຄາດ​ຄະ​ເນ​ຜົນ​ໄດ້​ຮັບ, ​ເນື້ອ​ໃນ, ກິດຈະກຳ, ວິທີ​ການ​ສອນ, ອຸປະກອນ ​ແລະ ການ​ປະ​ເມີນ. ສຳລັບການ​ຝຶກ​ອົບຮົມ​​ແມ່ນໄດ້​ດຳ​ເນີນ​ຢູ່​ເມືອງລະ 2 ມື້. ໃນການຝຶກຄັ້ງນີ້ແມ່ນ ໄດ້ນຳເອົາເກມ, ການສົນທະນາເປັນກຸ່ມ ສະຫລັບສັບປ່ຽນກັບການບັນຍາຍໃນຫົວຂໍຕ່າງໆ ແລະ ມື້​ທີ​ສອງ​ແມ່ນ​​ຈັດ​​ກຸ່ມ​​ຝຶກ​ສ້າງ​ແຜນ​ການສອນຕົວ​ຈິງ ພ້ອມສາທິດການໃຫ້​ຄວາມ​ຮູ້​ທາງ​ດ້ານ​ກົດໝາຍ. ຜ່ານ​ການ​ສອນ​ຕົວ​ຈິງຂອງຜູ້ເຂົ້າຮ່ວມ​​ເຫັນ​ໄດ້​ວ່າ​ແຕ່​ລະ​ກຸ່ມ​ສາມາດ​ສ້າງ​ແຜນການສອນໄດ້ໃນລະດັບດີ​.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes