Working towards greater community control over land, forests and natural resources

Posts Tagged ‘ການ​ລັກ­ລອບ​ຕັດ​ໄມ້’

ທ້າຍ 2015 ສາ­ມາດ​ຢືດ​ໄມ້​ທ່ອນ​ຜິດ​ກົດ­ໝາຍ​ໄດ້​ຫຼາຍ​ກວ່າ 290 ພັນ​ແມັດ​ກ້ອນ

ໜັງສືພີມ ເສດຖະກິດ-ສັງຄົມ 14 ມັງກອນ 2016

ເຈົ້າ​ໜ້າ­ທີ່​ກວດ­ກາ​ປ່າ­ໄມ້​ແຂວງ​ບໍ​ລິ​ຄຳ ​ໄຊ ຄຳ​ມ່ວນ ແລະ​ສະ­ຫວັນ​ນະ​ເຂດ ໄດ້​ເຂົ້າ​ສະ­ກັດ​ກັ້ນ​ຂະ​ບວນ​ການ​ລັກ­ລອບ​ເຄື່ອນ​ຍ້າຍ​ໄມ້​ທ່ອນ​ໄດ້​ຫຼາຍ​ກວ່າ 291 ພັນ​ແມັດ​ກ້ອນ ຊຶ່ງ​ເປັນ​ໄມ້​ຜິດ​ກົດ­ໝາຍ​ທີ່​ພວມ​ຖືກ​ຂົນ​ຍ້າຍ​ເພື່ອ​ສົ່ງ​ໄປ​ຂາຍ​ຢູ່​ຕ່າງ­ປະ­ເທດ.

 ອີງ​ຕາມ​ການ​ລາຍ​ງານ​ຂ່າວ​ຂອງ​ໜັງ­ສື­ພິມ​ລາວ​ພັດ­ທະ­ນາ​ສະ­ບັບ​ວັນ​ທີ 24 ທັນ­ວາ 2015 ຊຶ່ງ​ໄດ້​ອ້າງ​ການ​ເປີດ­ເຜີຍ​ຂອງ​ກະ­ຊວງ​ກະ­ສິ­ກຳ ແລະ ປ່າ­ໄມ້​ວ່າ ໃນ​ເດືອນ​ພະ­ຈິກ 2015 ຜ່ານ​ມາ​ເຈົ້າ​ໜ້າ­ທີ່​ກວດ­ກາ​ປ່າ­ໄມ້ ຊຶ່ງ​ເຄື່ອນ​ໄຫວ​ປະ­ຕິ­ບັດ​ໜ້າ­ທີ່​ຢູ່ 3 ແຂວງ​ຄື ບໍ​ລິ​ຄຳ​ໄຊ ຄຳ​ມ່ວນ ແລະ​ສະ­ຫວັນ​ນະ​ເຂດ ສາ­ມາດ​ຢຶດ​ໄມ້​ເຖື່ອນ​ທີ່ ພວມ​ຖືກ​ລັກ­ລອບ​ເຄື່ອນ​ຍ້າຍ​ເພື່ອ​ນຳ ສົ່ງ​ໄປ​ຂາຍ​ຢູ່​ຕ່າງ­ປະ­ເທດ​ໄດ້​ຈຳ­ນວນ 1.157 ທ່ອນ ບໍ​ລິ​ມາດ 291 ພັນ​ກວ່າ​ແມັດ​ກ້ອນ ພ້ອມ​ກັກ​ລົດ​ແກ່ ໄມ້​ໄດ້ 8 ຄັນ ແລະ​ຢຶດ​ຈັກ​ຕັດ​ໄມ້​ໄດ້ 17 ໜ່ວຍ

ລາຍ​ງານ​ຂ່າວ​ດຽວ​ກັນ​ໃຫ້​ຮູ້​ອີ​ກວ່າ ທາງ​ເຈົ້າ​ໜ້າ­ທີ່​ໄດ້​ດຳ­ເນີນ​ຄະ­ດີ​ຕໍ່​ຜູ້​ລັກ­ລອບ​ບຸ­ກລຸກ​ຊັບ­ພະ­ຍາ­ ກອນ​ປ່າ ໄມ້​ໄດ້​ຕື່ມ​ອີກ 3 ຄະ­ດີ ພ້ອມ​ນີ້ ຍັງ​ໄດ້​ອ້າງ​ຄຳ​ຊີ້​ແຈງ​ຂອງ​ເຈົ້າ​ໜ້າ­ທີ່​ໃນ​ກະ­ຊວງ​ກະ­ສິ­ກຳ ແລະ​ປ່າ­ໄມ້ ຊຶ່ງ​ລະ­ບຸ​ວ່າ ຕະ­ຫຼອດ​ໄລ­ຍະ​ທີ່​ຜ່ານ​ມາ​ເຖິງ​ແມ່ນ​ວ່າ ທາງ​ເຈົ້າ​ໜ້າ­ທີ່​ກວດ­ກາ​ປ່າ­ໄມ້​ຈະ​ເອົາ­ໃຈ­ໃສ່​ໃນ​ການ​ຄຸ້ມ​ຄອງ​ຊັບ​ ພະ­ຍາ ກອນ​ປ່າ­ໄມ້ ໂດຍ​ການ​ສະ­ກັດ​ກັ້ນ​ການ​ລັກ­ລອບ​ຕັດ​ໄມ້​ຢ່າງ​ເຂັ້ມ​ງວດ​ກໍ​ຕາມ ແຕ່​ວ່າ​ກໍ​ຍັງ​ມີ​ສະ­ພາບ​ການ​ລັກ­ລອບ​ຕັດ​ໄມ້ ແລະ​ຄ້າ­ຂາຍ​ໄມ້​ແບບ​ຜິດ​ກົດ­ໝາຍ​ຢ່າງ​ແພ່​ຫຼາຍ ທັງ​ນີ້ ກໍ​ຍ້ອນ​ຄວາມ​ເຫັນ­ແກ່­ຕົວ​ຂອງ​ຄົນ​ບໍ່​ດີ​ຈຳ­ນວນ​ໜຶ່ງ ຊຶ່ງ​ສວຍ​ໃຊ້​ຊ່ອງ​ຫວ່າງ​ໃນ​ຍາມ​ເຈົ້າ​ໜ້າ­ທີ່​ເຜີ​ຕົວ​ແລ້ວ​ລັກ­ລອບ​ເຄື່ອນ ​ໄຫວ.

ຢ່າງ­ໃດ​ກໍ​ຕາມ ຕໍ່­ໜ້າ​ສະ­ພາບ​ການ​ດັ່ງ­ກ່າວ​ທາງ​ເຈົ້າ​ໜ້າ­ທີ່​ກົມ​ກວດ­ກາ​ປ່າ­ໄມ້​ກໍ​ບໍ່ ​ໄດ້​ລົດ​ລະ​ຄວາມ​ພະ­ຍາ­ຍາມ ໃນ​ການ​ສະ­ກັດ​ກັ້ນ​ແລະ​ແກ້​ໄຂ​ຫຼ້າ​ສຸດ​ໃນ​ເດືອນ​ທີ່​ຜ່ານ​ມາ​ບັນ­ດາ​ ພະ­ນັກ­ງານ​ແລະ​ເຈົ້າ​ໜ້າ­ທີ່​ກ່ຽວ­ຂ້ອງ​ກໍ​ໄດ້​ຈັດ​ຕັ້ງ​ການ​ເຜີຍ­ແຜ່​ ກົດ­ໝາຍ​ປ່າ­ໄມ້​ໃຫ້​ບ້ານ​ເປົ້າ​ໝາຍ 3 ສ້າງ​ຢູ່​ແຂວງ​ບໍ​ລິ​ຄຳ​ໄຊ ຄຳ​ມ່ວນ ສະ­ຫວັນ​ນະ​ເຂດ ແລະ​ຫຼວງ​ນ້ຳ​ທາ ເພື່ອ​ເພີ່ມ​ຄວາມ​ຮູ້​ຄວາມ​ເຂົ້າ­ໃຈ​ໃຫ້​ຊຸມ​ຊົນ​ແລະ​ປຸກ­ລະ­ດົມ​ ພົນ­ລະ­ເມືອງ​ທີ່­ຢູ່​ອາ­ໄສ​ຢູ່​ໃນ​ເຂດ​ທ້ອງ­ຖິ່ນ​ໄດ້​ເຂົ້າ​ມາ​ມີ​ສ່ວນ​ ຮ່ວມ​ໃນ​ການ​ອະ­ນຸ​ຮັກ​ປ່າ­ໄມ້​ໃຫ້​ມີ​ຄວາມ​ຍືນ​ຍົງ.

 

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes