Working towards greater community control over land, forests and natural resources

Posts Tagged ‘ການຄຸ້ມຄອງ’

ຝຶກອົບຮົມການວາງແຜນທີ່ເອົາໃຈໃສ່ບົດບາດຍິງ-ຊາຍ ໃນການຄຸ້ມຄອງຊັບພະຍາກອນປ່າໄມ້ ທີ່ ແຂວງເຊກອງ

ສະມາຄົມເຄືອຄ່າຍ ເພື່ອການພັດທະນາສັງຄົມ ໂດຍໄດ້ຮັບການສະໜັບສະໜູນຈາກອົງການແຄຣນາໆ ຊາດປະຈຳ ສປປ ລາວ ຈັດຊຸດຝຶກອົບຮົມກ່ຽວກັບການວາງແຜນທີ່ເອົາໃຈໃສ່ບົດບາດຍິງ-ຊາຍ ໃນການຄຸ້ມຄອງ ຊັບພະຍາກອນປ່າໄມ້ ໃນລະຫວ່າງວັນທີ 23-25/03/2016 ທີ່ ພະແນກກະສິກໍາ ແລະ ປ່າໄມ້ ແຂວງເຊກອງ, ພາຍໃຕ້ການເປັນປະທານ ແລະ ກ່າວເປີດພິທີຂອງ ທ່ານ ເສີມສີ ສຸລິຕະ ຮອງຫົວໜ້າພະແນກກະສິກຳ ແລະ ປ່າໄມ້, ຜູ້ຊີ້ນຳວຽກງານເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກ ພະແນກກະສິກຳ ແລະ ປ່າໄມ້ ແຂວງເຊກອງ. ມີຕາງໜ້າຈາກພາກສ່ວນກ່ຽວຂ້ອງຂອງແຂວງເປົ້າໝາຍ (ແຂວງຄຳມ່ວນ ແລະ ແຂວງເຊກອງ) ໄດ້ແກ່: ພະແນກກະສິກຳ ແລະ ປ່າໄມ້ ແຂວງ ຄຳມ່ວນ, ຫ້ອງການກະສິກຳ ແລະ ປ່າໄມ້ເມືອງ ມະຫາໄຊ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຄຳມ່ວນ, ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງມະຫາໄຊ, ສະຫະພັນແມ່ຍິງແຂວງຄຳມ່ວນ, ສະຫະພັນແມ່ຍິງເມືອງມະຫາໄຊ, ພະແນກ ກະສິກຳ ແລະ ປ່າໄມ້ແຂວງເຊກອງ, ຫ້ອງການກະສິກຳ ແລະ ປ່າໄມ້ເມືອງກະລຶມ, ພະແນກຊັບພະຍາກອນທຳມະ ຊາດ ແລະ ສິ່ງແວດລ້ອມແຂວງເຊກອງ, ຫ້ອງການຊັບພະຍາກອນ ທຳມະຊາດ ແລະ ສິ່ງແວດລ້ອມເມືອງກະລຶມ, ສະຫະພັນແມ່ຍິງແຂວງເຊກອງ, ສະຫະພັນແມ່ຍິງເມືອງກະລຶມ, ສະມາຄົມເຄືອຂ່າຍ ເພື່ອການພັດທະນາສັງຄົມ, ສະມາຄົມຊຸມຊົນສີຂຽວ, ອົງການບ້ານຈຸດສຸມສາກົນ, ກຸ່ມແລກປ່ຽນຂໍ້ມູນເລື່ອງທີ່ດິນ (LIWG) ແລະ ອົງການແຄຣນາໆຊາດປະຈຳແຂວງເຊກອງ ເຂົ້າຮ່ວມ ທັງໝົດ 21 ຄົນ, ຍິງ 13 ຄົນ, ຊາຍ 8 ຄົນ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes