Working towards greater community control over land, forests and natural resources

Posts Tagged ‘ກະຊວງ​ຊັບພະຍາກອນ​ທຳ​ມະ​ຊາດ​ ແລະ​ສິ່ງ​ ແວດ​ລ້ອມ’

ລັດຖະບານ​ເຄັ່ງ​ຄັດ​ດ້ານ​ການ​ອະນຸລັກ​ປ່າ​ໄມ້, ການ​ຄ້າ​ໄມ້

Vientiane Times, 24 December 2014

ຄະນະ​ລັດຖະບານ​ໄດ້​ຕົກລົງ​ທີ່​ຈະ​ນຳ​ສະ​ເໜີມາດຕະການ​ທີ່​ຮັດກຸມ​ຂຶ້ນກ່ຽວກັບ​ການ​ຄ້າ​ໄມ້ ​ແລະ ການ​ປ້ອງ​ກັນ​ປ່າ​ເພື່ອ​ຮັບປະກັນ​ການ​ນຳ​ໃຊ້​ຊັບພະຍາກອນ​ທຳ​ມະ​ຊາດ​ຢ່າງ​ມີ​ປະສິດທິພາບ ​ແລະ ຮັກສາ​ປ່າ​ໄມ້​ຂອງ​ຊາດ. ການ​ຕົກລົງ​ແມ່ນ​ໄດ້​ມີ​ຂຶ້ນ​ໃນ​ກອງ​ປະຊຸມ​ລັດຖະບານ​ປະຈຳ​ເດືອນ ​ໃນ​ວັນ​ທີ 22 ທັນວາ​ ​ແລະ ​ຄະນະ​ລັດຖະບານຍັງ​ໄດ້​ປຶກສາ​ຫາລື ​ແລະ ຕັດສິນ​ໃຈ​ໃນ​ບັນຫາ​ສຳຄັນ​ຕ່າງໆ.  ໂດຍ​ການ​ເປັນປະທານ​ໂດຍ​ທ່ານ ນາຍ​ຍົກ​ທອງ​ສິງ ທຳ​ມະ​ວົງ, ກອງ​ປະຊຸມ​ໄດ້​ປຶກສາ​ຫາລື ​ແລະ ຕົກລົງ​ໃນ​ຫຼັກສຳຄັນ​ເພື່ອ​ທີ່​ຈະ​ປັບປຸງ​ຄຳ​ສັ່ງ​ນາຍ​ຍົກລັດຖະມົນຕີ​ໃນ​ການ​ຄຸ້ມ​ຄອງປ່າ​ໄມ້ ​ແລະ ການ​ຄ້າ​ໄມ້. ຄຳ​ສັ່ງ​ກຳນົດ​​ໃຫ້​ມີມາດ​ຕະການກ່ຽວກັບ​ຈັດການ ​ແລະ ຄຸ້ມ​ຄອງ, ການຕັດ​ປ້ຳ​ຕົ້ນ​ໄມ້, ການ​ຄຸ້ມ​ຄອງ​ການ​ຄ້າ​ໄມ້ ​ແລະ ການ​ຄ້າ​ເຄື່ອງ​ປ່າ​ຂອງ​ດົງ. ຄຳ​ສັ່ງ​ຍັງ​ໄດ້​ກຳນົດ​ການ​ລົງ​ໂທດ​ແກ່​ຜູ້​ທີ່​ກ່ຽວຂ້ອງ​ກັບ​ກີດ​ຈະ​ກຳ​ການ​ຕັດ​ໄມ້​ທີ່​ຜິດ​ກົດໝາຍ.
ຄະນະ​ກອງ​ປະຊຸມ​ແນະນຳ​ໃຫ້​ກະຊວງ​ທີ່​ຮັບຜິດຊອບປັບປຸງຄຳ​ສັ່ງອີງ​ຕາມ​ຄຳ​ເຫັນ​ຂອງ​ຄະນະ​ລັດຖະບານ, ​ໂດຍ​ສະ​ເພາະ​ຄວາມ​ຈຳ​ເປັນ​ທີ່​ຈະ​ຕ້ອງ​ຈັດຕັ້ງປະຕິບັດ​ການ​ຄຸ້ມ​ຄອງ​ຢ່າງ​ເຂັມງວດ ​ໂດຍ​ມີ​ມາດ​ຕະການ​ຜ່ານ​ການ​ຕິດຕາມ ​ແລະ ກວດກາ.  ກອງປະຊຸມຍັງໄດ້ສະເໜີວ່າ ມັນມີຄວາມຈຳເປັນທີ່ຈະຕ້ອງຊຸກຍູ້ໃຫ້ມີການປູກໄມ້ ເພື່ອ ເພີ່ມການປົກຫຸ້ມປ່າໄມ້. ນອກນັ້ນ, ກອງປະຊຸມຍັງອະນຸມັດບົດລາຍງານໃນການແກ້ໄຂ ບັນຫາເພື່ອປັບປຸງການປະສານງານລະຫວ່າງອົງການລັດສູນກາງ ແລະ ທ້ອງຖິ່ນເພື່ອ​ເຮັດ​ໃຫ້​ວຽກງານ​ສະດວກ​ຂຶ້ນ ​ແລະ ​ເພີ່ມ​ຄວາມ​ໄວ​ໃນ​ການ​ເຮັດ​ວຽກ.
ກອງ​ປະຊຸມ​ຍັງ​ອະນຸມັດ​ຫຼັກສຳຄັນ​ຂອງດຳລັດ​ນາຍ​ຍົກ​ລັດຖະມົນຕີ​ວ່າ​ດ້ວຍ​ການ​ສຶກສາຂັ້ນສູງ, ​ເຊິ່ງ​ໃຫ້​ທິດ​ທາງ​​ແກ່​ການ​ສອນ, ການ​ຮຽນ, ​ແລະ ກິດຈະກຳ​ການຄົ້ນຄວ້າ ​ໃນ​ສະ​ຖາ​ບັນ​ການ​ສຶກສາ​ເອກ​ກະ​ຊົນ ​ແລະ ລັດ.
ທ່ານ​ນາຍ​ຍົກ​ທອງ​ສິງ ສົ່ງ​ເສີມ​ໃຫ້​ຄະ​ນະະ​ລັດຖະບານ​ເນັ້ນໜັກຕື່ມ​ກ່ຽກັບ​ບັນຫາ​ສັງຄົມ. ທ່ານ​ຍັງ​ຮຽກຮ້ອງ​ມາ​ຍັງ​ພາກສ່ວນ​ທີ່​ກ່ຽວຂ້ອງ​ໃຫ້​ຮັບປະກັນ​ການ​ເກັບ​ພາສີ​ໃຫ້​ໄດ້​ຕາມ​ຄາດໝາຍທີ່​ກຳນົດ​ໄວ້ ​ແລະ ​ແນະນຳ​​ໃຫ້​ພະນັກງານ​ການ​ນຳ​ໃຫ້​ທິດ​ທາງ​ໃນ​ບັນຫາ​ທີ່​​ເກີດ​ຂຶ້ນ.  ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແລະ ກະຊວກະສິກຳ ​ແລະ ປ່າ​ໄມ້​ຖືກ​ມອບໝາຍ​ໃຫ້​ເຮັດ​ວຽກກັບ​ພະ​ແນ​ກການ​ທ້ອງ​ຖິ່ນ​ເພື່ອ​ປ້ອງ​ກັນ​ໄພພິບັດ, ​ໂດຍ​ສະ​ເພາະ​ແມ່ນ ​ໄຟ​ປ່າ, ​ເຊິ່ງ​ມີ​ທ່າ​ອ່ຽງ​ເກີດ​ຂຶ້ນ​ໃນ​ຊ່ວງ​ລະດູ​ແລ້ງ.
ຄະນະ​ລັດຖະບານ​ຍັງ​ຖືກ​ຮຽກຮ້ອງ​ໃຫ້ສູ້​ຊົນ​ໃຫ້​ໄດ້​ຜະລິດ​ຕະພັນ​ກະສິກຳ​ເພີ່ມ​ຂຶ້ນ​ໃນ​ລະດູ​ການ​ນີ້. ກ່ຽວກັບ​ບັນຫາ​ສະຫວັດດີ​ການ​ສັງຄົມ, ນາຍ​ຍົກ​ຮຽກຮ້ອງ​ໃຫ້​​ເຮັດ​ວຽກ​ຫຼາຍຂຶ້ນເພື່ອຍົກ​ສູງ​ມາດຕະຖານ​ການ​ສຶກສາ​ໃນ​ລາວ, ​ໃນ​ຂະນະ​ດຽວກັນ​ກໍ​ເນັ້ນໜັກ​ເຖິງ​ຄວາມ​ຈຳ​ເປັນ​ທີ່​ຕ້ອງ​ໄດ້​ປ້ອງ​ກັນ​ນັກຮຽນ​ເຂົາ​ໄປ​ມົ້ວສຸມ​ກັບ​ຢາ​ເສບ​ຕິດ.  ນອກຈາກ​ນັ້ນ, ​ເພິ່ນ​ຍັງ​ຮຽກຮ້ອງ​ໃຫ້​ຄະນະ​ລັດຖະບານ​ຄວບ​ຄຸມ​ຢ່າງ​ໃກ້ຊິດ​ຕື່ມ​ກ່ຽວກັບ​ຜູ້​ເຮັດ​ວຽກຊາວ​ຕ່າງ​ດ້າວ​ໃນ​ລາວ. ສຸດ​ທ້າຍ, ທ່ານ​ຮຽກຮ້ອງ​ໃຫ້​ທາງ​ຄະນະ​ລັດຖະບານ​ຈົ່ງ​ພິຈາລະນາ​ວ່າ​ຈະ​ຈັດຕັ້ງປະຕິບັດ​ແກ້​ໄຂ​ບັນຫາ​ທີ່​ຜ່ານ​ໂດຍ​ກອງ​ປະ​ຊຸມ​ສາມັນສະພາ​ແຫ່ງ​ຊາດທີ່​ພວມ​ຈັດ​ຂຶ້ນ ​ແລະ ຈະ​ຈົບ​ລົງ​ໃນ​ວັນ​ສຸກໜ້ານີ້ຄື​ແນວ​ໃດ.

ຈະ​ບໍ່​ມີ​ການ​ໃຫ້ສຳ​ປະທານ​ໂດຍ​ປັດສະຈາກ​ການ​ຍິນ​ຍອມ​ຈາກ​ຜູ້​ທີ່​ໄດ້ຮັບຜົນ​ກະທົບ

 

​ Vientiane Times, 4 November 2014

ບັນດາ​ນິຕິ​ກຳ​ກ່ຽວ​ກັບ​ທີ່​ດິນ​, ​ເຊິ່ງລວມທັງ​ນະ​ໂຍບາຍ​ທີ່​ດິນ​ແຫ່ງ​ຊາດ ​ແລະ ກົດໝາຍ​ວ່າ​ດ້ວຍ​ທີ່​ດິນ​ຈະ​ຕ້ອງ​ກຳນົດ​ໃຫ້​ແຈ້ງວ່າ ດິນ​ທີ່​ສາມາດ​ເວນ​ຄືນ​ໄດ້​ນັ້ນ​ກໍ​ຕໍ່​ເມື່ອ​ການ​ເວນ​ຄືນ​ເຮັດຂຶ້ນ​ເພື່ອ​ຜົນ​ປະ​ໂຫຍ​ດ ສາທາລະນະ​ເທົ່າ​ນັ້ນ. ຂໍ້ຄວາມ​ດັງ​ກ່າວ​ແມ່ນ​ໜຶ່ງ​ໃນ​ບັນດາ​ຂໍ້ຄວາມສຳຄັນ​ຂອງໜ່ວຍ​ງານ​ຍ່ອຍ​ທີ່​ເຮັດວຽກ​ກ່ຽວ​ຂອງ​ກັບ​ທີ່​ດິນ​ໄດ້​ສະ​ເໜີ​ຕໍ່​ໜ່ວຍ​ງານ​ດ້ານ​ຊັບພະຍາກອນ​ທຳ​ມະ​ຊາດ​ ແລະ ​ສິ່ງ​ແວດ​ລ້ອມ​ລະດັບ​ຊາດເພື່ອ​ເປັນ​ການ​ກະກຽມ​ໃຫ້​ແກ່​ການຈັດ​ຕັ້ງກອງ​ປະຊຸມ​ໂຕະມົນສາກົນທີ່​ຈະ​ມີ​ຂຶ້ນ​ຢູ່​ນະຄອນຫລວງ​ວຽງ​ຈັນ​ໃນ​ເດືອນ​ນີ້​. ຂໍ້ຄວາມ​ດັງ​ກ່າວໄດ້​ເຜີ​ຍ​ແຜ່​ໃນ​ກອງ​ປະຊຸມຂອງ​ໜ່ອຍ​ງານດ້ານ​ຊັບພະຍາກອນ​ທຳ​ມະ​ຊາດ​ ແລະ​ ສິ່ງ​ແວດ​ລ້ອມ, ​ເຊິ່ງ​ໄດ້​ຈັດ​ຂຶ້ນ​ໃນ​ມື້ວານ​ນີ້​ຢູ່​ນະຄອນຫລວງ​ວຽງ​ຈັນ ​ໂດຍ​ມີ​ ນາງ ບຸນ​ຄຳ ວໍຣະຈິດ​, ລັດຖະມຸນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ​ ແລະ​ສິ່ງ​ ແວດ​ລ້ອມ, ນາງ ຊານ​ລີ ​ເບີ​ມິງ​ແຮມ​, ຜູ້​ຈັດການ​ທະນາຄານ​ໂລກ​ປະຈຳລາວ​, ​ແລະ ທ່ານ ​ໄມ​ເຄິນ ​ໂກຣ, ​ເອກ​ອັກຄະ​ລັດຖະທູດ​ເຍຍ​ລະ​ມັນ​ປະຈຳ​ລາວ​ເຂົ້າ​ຮ່ວມ.

ໜ່ວຍ​ງານ​ຍ່ອຍ​ທີ່​ເຮັດດວຽກ​ກ່ຽວ​ກັບ​ທີ່​ດິນ​ໄດ້​ໃຫ້​ຂໍ້​ສະ​ເໜີ​ແນະ​ບັນຫາທີ່ກ່ຽວຂ້ອງ​ກັບ​ຄວາມ​ໝັ້ນຄົງ​ໃນ​ການ​ຄອບ​ຄອງ​ທີ່​ດິນ​ສຳລັບ​ພົນລະ​ເມືອງ​ລາວ​ ​ແລະ ​ການ​ປົກ​ປ້ອງ​ການ​ລົງທຶນ​ທີ່​ໄດ້​ຈັດ​ຕັ້ງ​ປະຕິບັດ​ຢູ່​ລາວ. ບັນຫາ​ທີ່​ດິນ​ເປັນ​ບັນຫາ​ທີ່​ແກ່ຍາວ​ມາ​ຫລາຍ​ປີ​ ແລະ ໃນຂະນະ​ດຽວກັນ​ນະ​ໂຍບາຍ​ທີ່​ດິນ​ທີ່​ລັດຖະບານ​ເລີ່​ມຮ່າງ​ຂຶ້ນ​ເມື່ອ​ຫລາຍ​ປີຜ່ານມາ​ນັ້ນຍັງ​ບໍ່​ທັນ​​ຖືກຮັບຮອງຈາກ​ສະພາ​ແຫ່ງ​ຊາດເທື່ອ ​ເຖິງ​ວ່າ​ບັນຫາ​ດັ່ງກ່າວໄດ້​ນຳ​ເຂົ້າ​ກອງ​ປະຊຸມ​ສະພາ​ຫລາຍ​ຄັ້ງ​ກໍ​ຕາມ. ການ​ສຳ​ປະທານ​ທີ່​ດິນ ​ແລະ ຄ່າ​ທົດ​ແທນ​ຄືນ​ໃຫ້​ແກ່ປະຊາຊົນ​ຜູ້​ທີ່​ເສຍ​ທີ່​ດິນ​ ໄດ້​ຖືກ​ຍົກ​ຂຶ້ນ​ຢູ່​ເປັນ​ປະຈຳ​ໂດຍ​ສາທາລະນະ​ຊົນ​ໃຫ້​ຄຳ​ເຫັນ​ວ່າ ​ການ​ຊົດ​ເຊີຍຄວນ​ໃຫ້​ສອດຄ່ອງ​ຕາມ​ອັດຕາຕົວຈິງ​ໃນ​ທ້ອງ​ຕະຫລາດ.

ຈາກ​ຜົນ​ຂອງ​ກອງ​ປະຊຸມເຊິ່ງ​ໄດ້​ຈັດ​ກອງ​ປະຊຸມ​ໃນວັນ​ທີ 14 ​ເດືອນ​ຕຸລາ​ຜ່ານ​ມາ ໜ່ວຍ​ງານ​ຍ່ອຍ​ທີ່​ເຮັດດວຽກ​ກ່ຽວ​​ກັບ​ທີ່​ດິນ​ໄດ້​ມີ​ຂໍ້​ສະ​ເໜີ​ຢ່າງ​ແຂງ​ແຮງ​ວ່າ: ນິຕິ​ກຳ​ຕ້ອງ​ໃຫ້​ລາຍ​ລະອຽດ​ວ່າ ການ​ຄອບ​ຄອງ​ທີ່​ດິນ​ຫລື​ສິດ​ນຳ​ໃຊ້​ທີ່​ດິນ​ສາມາດ​ຖືກ​ຖອດຖອນ​ໄດ້ໂດຍ​ມີ​ການຍິນ​ຍອມ​ໂດຍ​ສະໝັກ​ໃຈ​ຂອງບັນດາ​ຜູ້​ທີ່​ຖື​ຄອງ​ສິດ​ທີ່​ໄດ້ຮັບຜົນ​ກະທົບ​ເທົ່າ​ນັ້ນ​ໂດຍ​ເຂົາ​ເຈົ້າ​ຈະ​ຕ້ອງ​ໄດ້ຮັບ​ແຈ້ງ​ໃຫ້​ຊາບ​ລ່ວງ​ໜ້າ​ເທົ່າ​ນັ້ນ​. ຢ່າງ​ໃດ​ກໍ​ຕາມ, ກໍລະນີນີ້ຈະ​ຖືກ​ຍົກ​ເວັ້ນ​ຖ້າວ່າການຮຽກ​ນຳ​ໃຊ້​ທີ່​ດິນ​ດັ່ງ​ກ່າວຈະ​ມີ​ຜົນ​ປະ​ໂຫຍ​ດຕໍ່​ສາທາລະນະ​ຊົນ​ທົ່ວ​ໄປ​ໂດຍ​ກົງ ​ແຕ່​ວ່າ​ໃນ​ກໍລະນີ​ດັ່ງກ່​າວ ຝ່າຍ​ຕ່າງ​ໆ​ທີ່​ໄດ້ຮັບບຜົນ​ກະທົບຈະ​ຕ້ອງ​ໄດ້ຮັບຄ່າ​ຊົດ​ເຊີຍ​ເຕັມ​ສ່ວນ ​ເປັນ​ທຳ ​ແລະ ລ່ວງ​ໜ້າ​. ອີກ​ດ້ານ​ໜຶ່ງ​ ການ​ດຳ​ເນີນ​ການ​ດັ່ງກ່າວ ​ແມ່ນ​ຕ້ອງ​ປະຕິບັດ​ຕໍ່ທີ່​ດິນ​ຂອງສ່ວນ​ບຸກຄົນ ແລະ ຂອງ​ລວມໝູ່​ເຊັ່ນ​ກັນ​, ​ເຊິ່ງຖື​ຄອງ​ສິດ​ຕາມ​ປະ​ເພນີ ຫລື ​​​ໂດຍ​ມີ​ໃບ​ຕາດິນ​ອອກ​ໃຫ້​ໂດຍ​ທາງ​ການ. ການ​ໂອນ​ທີ່​ດິນ​ລວມໝູ່​ໄປ​​ໃຫ້​ເອກະ​ຊົນ​ນຳ​ໃຊ້​ແມ່ນ​ສາມາດ​ປະຕິບັດ​ໄດ້​ຖ້າວ່າ​ມີ​ການ​ເຫັນ​ດີ​ໂດຍ​ການ​ຍິນ​ຍອມ​ຢ່າງ​ໜ້ອຍ​ສອງ​ສ່ວນ​ສາມ(ດີ​ແທ້​ແມ່ນ80​ສ່ວນ​ຮ້ອຍ)ຂອງ​ຜູ້​ຖື​ຄອງ​ສິດ​ນຳ​ໃຊ້​ທີ່​ດິນ​ທີ່ທັງ​ໝົດ​ໄດ້​ຮັບ​ຜົນ​ກະທົບ.  ກະຊວງ​ຊັບພະຍາກອນ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໄດ້​ຖືກ​ມອບ​ໝາຍ​ໃຫ້​ເປັນ​ກອງ​ເລຂາ​ຂອງ​ລັດຖະບານ​ໃນ​ຂະ​ແໜງ​ຊັບພະຍາກອນ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໂດຍ​ຕິດຕາມ​ກວດກາ​ໜ່ວຍງານທີ່​ເຮັດວຽກ​ໃນ​ຂະ​ແໜງ​ດັ່ງກ່າວ​ພາຍ​ໃຕ້​ຂະ​ບວນການ​ກອງ​ປະຊຸມໂຕະມົນຂອງ​ລັດຖະບານ. ​ໃນ​ກອງ​ປະຊຸມ​ທີ່​ຈັດ​ຂຶ້ນ​ໃນ​ມື້ວານ​ນີ້,ໜ່ວຍງານທີ່​ເຮັດວຽກ​ໃນ​ຂະ​ແໜງ​ຊັບພະຍາກອນ​ທຳ​ມະ​ຊາດ​ແລະ​ສິງ​ແວດ​ລ້ອມ​ໄດ້​ຮ່ວມ​ກັບ​ບັນດາ​ຄູ່​ຮ່ວມ​ພັດທະນາ​ທົບ​ທວນຄືນ​ຮ່າງວິ​ໄສ​ທັດ​ປີ2030ສຳ​ລັບ​ຂະ​ແໜງ​ການ​ດັ່ງກ່​າວ ​ແລ​ະ​ ​ແຜນການ​ທີ່​ຈະ​ນຳ​ເອົາ​ວິ​ໄສ​ທັດ​ດັ່ງກ່າວ​ເຂົ້າ​ໃນ​ແຜນ​ພັດທະນາ​ເສດຖະກິດ​ສັງຄົມ​ຫ້າ​ປີ​ຕໍ່ໜ້າ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes