ການຍົກຍ້າຍຈັດສັນ | Land Info Working Group
ກຸ່ມແລກປ່ຽນຂໍ້ມູນເລື່ອງທີ່ດິນ - ແນໃສ່ສົ່ງເສີມ ຄວາມເຂົ້າໃຈ ແລະຄວາມຮູ້ທ່ວງທັນ ໃນດ້ານ ເສດຖະກິດສັງຄົມ ສິ່ງແວດລ້ອມ ທີ່ກ່ຽວຂ້ອງກັບການນຳໃຊ້ເນື້ອທີ່ດິນ ໃນໂຄງການ ຕ່າງໆ, ໂດຍການເກັບກຳ ແລະ ແລກປ່່ຽນ ຂໍ້ມູນ ຂ່າວສານ, ການສົນທະນາປຶກສາຫາລື ແລະ ການຄົ້ນຄວ້າວິໃຈ

Archive for the ‘Resettlement / ການຍົກຍ້າຍຈັດສັນ’ Category

Govt to steam ahead with railway compensation

Source: Vientiane Times, August 23, 2017

http://www.vientianetimes.org.la/FreeContent/FreeConten_Govt.htm

The government is looking to speed up compensation for people who will lose land or other property to make way for the Laos-China railway, asking the National Assembly (NA) to extend support in this regard.

Minister of Public Works and Transport Dr Bounchanh Sinthavong called for the NA to encourage provincial and Vientiane administrations as well as provincial and Vientiane People’s councils to approve unit prices for the compensation calculated by authorities in charge.

NA, Govt discuss development impacts, compensation

Source: Vientiane Times, August 16, 2017

http://www.vientianetimes.org.la/FreeContent/FreeConten_NA.htm

The impacts on residents of government-approved development projects and concession projects by domestic and foreign investors were on the top of the agenda for discussion between National Assembly (NA) and government at a joint meeting yesterday.

NA President Pany Yathotou, Prime Minister Thongloun Sisoulith, NA Committees chairs and ministers attended the first joint meeting between the NA’s Eighth Legislature and the government held yesterday in Vientiane to discuss the way ahead on addressing development impacts and compensation policy.

ຈັດສັນທຶນ ເພື່ອຈ່າຍທົດແທນຄືນ ​ໃຫ້ແກ່ຜູ້ທີ່ໄດ້ຮັບຜົນກະທົບຈາກ​ໂຄງການສ້າງທາງລົດໄຟ

ໜັງສືພີມວຽງຈັນທາມສ ວັນທີ 27/09/2016,

ສົມສັກ ປອງຂາວ

 

ລັດຖະບານ ໄດ້ຈັດສັນ ທຶນຈໍານວນ 5 ຕື້ກີບ ໃຫ້ແກ່ບັນດາອໍານາດການປົກຄອງ ເພື່ອ ຈ່າຍທົດແທນຄືນ ໃຫ້ແກ່ຜູ້ທີ່ຈະເສຍທີ່ດິນ ເມື່ອມີການກໍ່ສ້າງທາງລົດໄຟ.

ເຖິງຢ່າງໃດກໍ່ຕາມ, ການຈ່າຍຕົວຈິງ ແມ່ນຈະໄດ້ຮັບການປະຕິບັດໂດຍ ບໍລິສັດຮ່ວມທຶນ ທີ່ສ້າງສ້າງທາງລົດໄຟ, ຈາກງົບປະມານຂອງໂຄງການ ເກືອບ 6 ຕື້ ໂດລາອາເມລິກາ.

ການຈ່າຍທົດແທນຄືນ ແລະ ການປັກຫຼັກໝາຍ ເສັ້ນທາງລົດໄຟ ຕ້ອງໃຫ້ສໍາເລັດໄວທີ່ສຸດເທົ່າທີ່ສາມາດເຮັດໄດ້ ເພື່ອເຮັດໃຫ້ ການກໍ່ສ້າງທາງລົດໄຟປະຫວັດສາດດັ່ງກ່າວສາມາດເລີ່ມຕົ້ນໄດ້ໃນເດືອນ ທັນວານີ້.

ການປັກຫຼັກໝາຍລະອຽດ ຂອງຂອບເຂດໂຄງການ ຜ່ານ ສະຖານີລົດໄຟ ໃນ ເມືອງ ວັງວຽງ, ເມືອງ ຫຼວງພະບາງ ແລະ ແຂວງອຸດົມໄຊ ແມ່ນມີຄວາມຈໍາເປັນຫຼາຍ ກ່ອນການກໍ່ສ້າງຈະສາມາດເລີ່ມຕົ້ນ.

ເມື່ອການກໍ່ສ້າງສໍາເລັດ, ທາງລົດໄຟດັ່ງກ່າວ ຈະເຊື່ອມຕໍ່ ນະຄອນຫຼວງວຽງຈັນ ກັບ ຊາຍແດນຈີນ ໃນໄລຍະທາງ 427 ກິໂລແມັດ.

ປະຈຸບັນ, ບັນດາອົງການລັດຖະບານ ກໍາລັງຈັດສໍາມະນາຕ່າງໆ ເພື່ອ ແຈ້ງການໃຫ້ບັນດາພະນັກງານຊາບ ກ່ຽວກັບຄວາມສໍາຄັນ ແລະ ຜົນປະໂຫຍດທາງດ້ານເສດຖະກິດ ຂອງທາງລົດໄຟ ຕໍ່ປະເທດລາວ.

ກະຊວງການຕ່າງປະເທດ ໄດ້ຈັດສໍາມະນາຂື້ນ ໃນນະຄອນຫຼວງວຽງຈັນ ໃນອາທິດທີ່ຜ່ານມາ, ເຊິ່ງນໍາສະເໜີໂດຍ ຮອງລັດຖະມົນຕີກະຊວງການຕ່າງປະເທດ ທ່ານ ແສງເພັດ ຮຸ່ງບຸນຫວາງ.

ວິ­ໄສ​ທັດ​ ພັດ­ທະ­ນາ​ຊຸມ​ຊົນ​ຂອງ​ໂຄງ­ການ​ເຂື່ອນ​ໄຟ­ຟ້າ​ນ້ຳ​ງຽບ 1

“ເສດຖະກິດ-ສັງຄົມ” 16 ພະຈິກ 2015

ການ​ສ້າງ​ອາ­ຊີບ ແລະ​ ຍົກ​ສູງຄຸນ​ນະ​ພາບ​ຊີ­ວິດ​ຄື​ວິ­ໄສ​ທັດ​ພັດ­ທະ­ນາຊຸມ​ໃນ​ເຂດ​ກໍ່­ສ້າງ​ ໂຄງ­ການ​ເຂື່ອນ​ໄຟຟ້າ​ນ້ຳ​ງຽບ 1 ຊຶ່ງ​ແນ­ໃສ່​ສ້າງ​ຄວາມເຂັ້ມ­ແຂງ​ໃຫ້​ປະ­ຊາ­ຊົນ​ປະ­ມານ 3.000 ຄົນ ທີ່​ຈະ​ໄດ້​ຮັບ​ຜົນ​ກະ­ທົບ​ຈາກການ​ກໍ່­ສ້າງ​ເຂື່ອນ ທັງ​ນີ້​ທາງ​ໂຄງ­ການກໍ​ໄດ້​ປະ­ສານ​ງານ​ກັບ​ອຳ­ນາດ​ການ​ປົກຄອງ​ທ້ອງ­ຖິ່ນ ແລະ​ລົງ​ເຮັດ​ວຽກ​ຮ່ວມກັບ​ສະ­ມາ­ຊິກ​ຊຸມ​ຊົນ ໂດຍ​ອີງ­ໃສ່​ແນວທາງ​ນະ­ໂຍ­ບາຍ​ຂອງ​ພັກ ແລະ​ລັດ​ຖະບານ ທັງ​ພ້ອມ​ປະ­ຕິ­ບັດ​ຕາມ​ມາດ­ຖານສາ­ກົນ​ໃນ​ດ້ານ​ການ​ອອກ​ແບບ ແລະ ຈັດ​ຕັ້ງ​ປະ­ຕິ­ບັດ​ການ​ຊົດ​ເຊີຍ ລວມ​ໄປເຖິງ​ແຜນ​ງານ​ປັບ­ປຸງ​ຊີ­ວິດ​ການ​ເປັນ​ຢູ່ໃຫ້​ແກ່​ຄົນ​ໃນ​ຊຸມ​ຊົນ ເພື່ອ​ຮັບ­ປະ­ກັນວ່າ​ຊາວ­ບ້ານ​ທີ່​ຖືກ​ຍົກ­ຍ້າຍ​ຈະ​ມີ​ຊີ­ວິດ​ການ​ເປັນ​ຢູ່​ ທີ່​ດີ​ຂຶ້ນ​ກວ່າ​ເກົ່າ.

   ອີງ​ຕາມ​ການ​ສະ­ເໜີ​ຂ່າວ​ຂອງໜັງ­ສື­ພິມ ປະ­ຊາ­ຊົນ ສະ­ບັບ​ວັນ​ທີ 26 ຕຸ­ລາ 2015 ຜ່ານ​ມາ​ໄດ້​ລາຍ​ງານ​ວ່າ ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ງຽບ 1 ພວມ​ກະ­ກຽມ​ຍົກ­ຍ້າຍ​ປະ­ຊາ­ຊົນ​ທີ່ຄາດ​ວ່າ​ຈະ​ໄດ້​ຮັບ​ຜົນ​ກະ­ທົບ​ຈາກ​ໂຄງ ການ​ລວມ​ມີບ້ານ​ຫາດ​ຊາຍ​ຄຳ ແຂວງບໍ​ລິ​ຄຳ​ໄຊ ແລະ​ອີກ​ສີ່​ໝູ່​ບ້ານ​ທີ່​ຂຶ້ນ​ກັບເມືອງ​ຮົ່ມ ແຂວງ​ໄຊ​ສົມ­ບູນ ຊຶ່ງ​ຢູ່​ໃນ ຂອບ​ເຂດ​ທີ່​ຕັ້ງ​ໂຄງ­ການ​ເຂື່ອນ​ໄຟ­ຟ້ານ້ຳ​ງຽບ 1 ແລະ​ຄາດ​ວ່າ​ຈະ​ຖືກ​ນ້ຳຖ້ວມ​ພາຍ­ຫຼັງ​ການ​ກໍ່­ສ້າງ​ເຂື່ອນ​ໄຟ­ຟ້າສຳ­ເລັດ​ໃນ ​ປີ 2018 ສຳ­ລັບ​ເຂື່ອນ​ໄຟ ຟ້າ​ນ້ຳ​ງຽບ 1 ແມ່ນ​ມີ​ກຳ­ລັງ​ຕິດ​ຕັ້ງ 290 ເມ​ກາ​ວັດ ໃນ​ນັ້ນ​ກະ­ແສ​ໄຟ­ຟ້າ ປະ­ມານ 93% ຈະ​ຖືກ​ສົ່ງ​ຂາຍ​ໃຫ້­ການໄຟ­ຟ້າ​ຝ່າຍ​ຜະ­ລິດ​ແຫ່ງ​ປະ­ເທດ​ໄທ ສ່ວນ​ທີ່​ເຫຼືອ​ຈະ​ຂາຍ​ໃຫ້​ບໍ­ລິ­ສັດ​ໄຟ­ຟ້າ ລາວ.

ຢ່າງ­ໃດ​ກໍ​ດີ ເພື່ອ​ເຮັດ​ໃຫ້​ຊຸມ​ຊົນ​ໄດ້ຮັບ​ຜົນ​ກະ­ທົບ​ໜ້ອຍ​ທີ່​ສຸດ​ຈາກ​ການ​ດຳເນີນ​ ໂຄງ­ການ​ດັ່ງ­ກ່າວ ຈິ່ງ​ມີ​ການ​ວາງ ແຜນ ແລະ​ດຳ­ເນີນ​ງານ​ຕ່າງໆ​ກ່ຽວ​ກັບການ​ພັດ­ທະ­ນາ​ຊຸມ​ຊົນ​ທັງ​ນີ້ ທ່ານ ນິ​ລັນດອນ ຖາ­ວອນ​ສຸກ ຫົວ­ໜ້າ​ທີມ​ງານ ດ້ານ​ການ​ພັດ­ທະ­ນາ​ຊີ­ວິດ​ການ​ເປັນ​ຢູ່ຂອງ​ຊຸມ​ຊົນ​ໃນ​ເຂດ​ໂຄງ­ການ​ ເຂື່ອນໄຟ­ຟ້າ​ນ້ຳ​ງຽບ 1 ກໍ​ໄດ້​ເປີດ­ເຜີຍ​ວ່າ “ໄດ້​ມີ​ການ​ສະ­ໜອງ​ທຶນ​ໃນ​ເບື້ອງ​ຕົ້ນ ແລະ​ຊ່ວຍ​ຊາວ­ບ້ານ​ກະ­ກຽມ​ໜອງ​ປາ ແລະ​ເນື້ອ­ທີ່​ສຳ­ລັບ​ເຮັດ​ການ​ຜະ­ລິດໄປ​ພ້ອມ​ກັບ​ການ​ຝຶກ​ອົບ­ຮົມ​ ປະ­ຊາ­ຊົນໃຫ້​ຮູ້​ວິ­ທີ​ປູກ​ຜັກ ແລະ​ລ້ຽງ­ສັດ ເພື່ອເປັນ​ອາ­ຫານ ແລະ​ເປັນ​ສິນ­ຄ້າອີກ​ທັງໄດ້​ນຳ­ພາ​ປະ­ຊາ­ຊົນ​ໄປ​ທັດ­ສະ­ນະ​ສຶກສາ​ບັນ­ດາ​ ໂຄງ­ການ​ພັດ­ທະ­ນາ​ຕ່າງໆ​ທີ່ມີ​ຮູບ​ແບບ​ຄ້າຍ­ຄື​ກັນ ເພື່ອ​ໃຫ້​ເຂົາ­ເຈົ້າເຂົ້າ­ໃຈ  ແລະ​ສາ­ມາດ​ນຳ​ໃຊ້​ຄວາມ​ຮູ້​ທີ່ໄດ້​ຮຽນ​ໄດ້​ເຫັນ​ມາ​ ເພື່ອ​ນຳ​ໃຊ້​ເຂົ້າໃນ​ການ​ຜະ­ລິດ​ກະ­ສິ­ກຳ​ອັນ​ຈະ​ນຳລາຍ​ໄດ້​ມາ​ໃຫ້​ຄອບ­ຄົວ ແລະ​ຊຸມ​ຊົນ”.

Don’t build near planned railway: project officials

Vientiane Times, 14 Jan 2015
People living alongside the planned route of the Laos-China railway through Vientiane should not build house extensions or additional property so as to avoid compensation problems. This was the advice given by railway project officials to Donnoun village residents, who raised concerns through the telephone hotline during the recent National Assembly debate session.

“It would be better if local residents refrain from building property anywhere close to the proposed railway as this will create extra complications with regard to the compensation process,” Laos-China Railway Project Manager Dr Koung Souk-aloun said.

ເຮືອນຫລາຍຫລັງຖືກປຸກຂຶ້ນໃນເຂດຫວງຫ້າມ

 

Vientiane Times, January 5th, 2015

 

ຊາວບ້ານຫລາຍຄົນທີ່ອາໃສ່່ຢູ່ຕາມແຄມທາງທີ່ກຳລັງກໍ່ສ້າງຢູ່ເມືອງໄຊທານີນະຄອນຫລວງວຽງຈັນນັ້ນບໍ່ສະບາຍໃຈຕໍ່ກັບທາງການຂອງເມືອງທີ່ໄດ້ຫ້າມພວກເຂົາກໍ່ສ້າງເຮືອນຢູ່ທັງສອງຟາກທາງແຕ່ກໍ່ຍັງມີເຮືອນຈຳນວນຫນຶ່ງກຳລັງຖືກປຸກສ້າງຂຶ້ນໃນເຂດນີ້. ຊາວບ້ານຜູ້ຫນຶ່ງທີ່ບໍ່ປະສົງອອກນາມ, ລາວອາໃສ ຢູ່ບ້ານດົງຄຳຊ້າງໄດ້ໃຫ້ສຳພາດຕໍ່ຫນັງສືພິມວຽງຈັນທາຍໃນວັນສຸກທີ່ຜ່ານມາວ່າບ້ານຂອງລາວແມ່ນຕັ້ງຢູ່ໃນເຂດ 50 ແມັດຂອງສອງຟາກທາງທີ່ຖືກຫ້າມການປຸກສ້າງເຮືອນ. “ພວກເຮົາແປກໃຈທີ່ເຫັນ ວ່າດຽວນີ້ມີເຮືອນສາມຊັ້ນກຳລັງປຸກສ້າງຂຶ້ນຢູ່ທັງສອງຟາກທາງໃນເຂດນີ້” ລາວເວົ້າ. “ພວກເຂົາເຈົ້າປຸກເຮືອນຂຶ້ນມາໄດ້ແນວໃດ,ໃນເມື່ອທາງການໄດ້ຫ້າມການກໍ່ສ້າງໃນເຂດນີ້ແລ້ວ?”

ຊາວບ້ານຈຳນວນຫນຶ່ງຄິດວ່າພວກເຂົາເຫລົ່ານີ້ອາດຈະເປັນພີ່ນ້ອງຜູ້ໃຫຍ່ແລະອີກຫລາຍຄົນເວົ້າອີກວ່າພວກເຂົາບໍ່ສົນໃຈກັບການຫ້າມດັ່ງກ່າວ. ໃນທ້າຍເດືອນເມສາຂອງປີຜ່ານມາເຈົ້າຫນ້າທີ່ນະຄອນຫລວງວຽງຈັນໄດ້ເຮັດການສຳຫລວດທີ່ດິນທາງກວມເອົາຄວາມຍາວ 11 ກິໂລແມັດ, ກວ້າງ 50 ແມັດຂອງສອງຟາກທາງ. ສາມບ້ານຄື:ນາໄຫ, ດົງຄຳຊ້າງແລະຊຽງດາແມ່ນຕັ້ງຢູ່ຕາມເຂດທາງນີ້ເຊິ່ງຢູ່ໃນເຂດບຶງທາດຫລວງ, ເຮືອນແລະຮ້ານຄ້າ ຕ່າງໆກໍ່ໄດ້ຖືກສ້າງຂຶ້ນຕາມເຂດທີ່ໃກ້ຄຽງເຂດນີ້. ໃນເວລານັ້ນຊາວບ້ານມີຄວາມຕື່ນເຕັ້ນດີໃຈເມື່ອ ມີການພັດທະນາກໍ່ສ້າງທາງເບຕົງຢູ່ຫລັງບຶງທາດຫລວງເພື່ອເຊື່ອມຕໍ່ທາງເຂົ້າສູ່ຕົວເມືອງ, ແຕ່ວ່າຊາວ ບ້ານກັບຕ້ອງຜິດຫວັງເມື່ອເຈົ້າຫນ້າທີ່ຫ້າມບໍ່ໃຫ້ປະຊາຊົນປຸກສ້າງເຮືອນໃຫມ່ໃນເຂດດິນຂອງເຂົາເຈົ້າທີ່ຢູ່ລຽບຕາມສອງຟາກທາງດັ່ງກ່າວຕື່ມອີກ. ເຈົ້າຫນ້າທີ່ບາງຄົນໄດ້ເວົ້າກັບຊາວບ້ານວ່າ: ພວກເຂົາບໍ່ໄດ້ ມີແຜນທີ່ຈະມາເອົາດິນຂອງປະຊາຊົນ, ມັນເປັນພຽງແຕ່ການສຳຫລວດເພື່ອພັດທະນາເຂດນີ້ໃນອານາ ຄົດ,ແຕ່ຍັງແຜນການນຳໃຊ້ທີ່ດິນໃນເຂດນີ້ໃນອານາຄົດຊ້ຳພັດຍັງບໍ່ທັນມີຄວາມກະຈ່າງແຈ້ງ. ອາດເປັນ ການດີຕໍ່ຫລາຍຄອບຄົວຖ້າເຈົ້າຫນ້າທີ່ບອກສະພາບຄວາມເປັນຈິງກ່ຽວກັບຈຸດປະສົງການສະຫງວນທີ່ ດິນທັງສອງຟາກທາງໄວ້ແລະອີກດົນປານໃດທາງການຈະພັດທະນາເຂດດັ່ງກ່າວຄືດັ່ງເຈົ້າຫນ້າທີ່ເວົ້າ ມາຫັ້ນ. ຊາວບ້ານຈຳນວນຫນຶ່ງກ່າວຕື່ມອີກວ່າຖ້າແຜນພັດທະນາຕົວເມືອງຍັງບໍ່ທັນມີຄວາມຊັດເຈນ ເທື່ອກໍ່ຄວນມີການຍົກເລີກການຫ້າມການປຸກສ້າງ ແລະ ປ່ອຍທີ່ດິນໃຫ້ຊາວບ້ານສາມາດພັດທະນາ ທຳມາຫາກິນເພື່ອຍົກລະດັບຊີວິດການເປັນຢູ່, ດັ່ງທີ່ລັດສົ່ງເສີມ.

ເຈົ້າຫນ້າທີ່ເມືອງໄຊເສດຖາຜູ້ຫນຶ່ງເປີດເຜີຍກັບຫນັງສືພິມວຽງຈັນທາຍວ່າການຫ້າມການກໍ່ສ້າງເຮືອນ ໃນສາມບ້ານແມ່ນປະກາດໂດຍອະດີດເຈົ້າຄອງນະຄອນຫລວງວຽງຈັນທ່ານສຸກັນມະຫາລາດໂດຍຄຳ ປະກາດດັ່ງກ່າວໄດ້ມີຜົນສັກສິດຕັ້ງແຕ່ເດືອນເມສາ 2014 ເປັນຕົ້ນມາການປະກາດດັ່ງກ່າວຍັງບໍ່ທັນ ຖືກຍົກເລີກ, ດັ່ງນັ້ນເຈົ້າຫນ້າທີ່ຈະບໍ່ມີການອະນຸຍາດໃຫ້ກັບບຸກຄົນໃດທຳການປຸກສ້າງເຮືອນ ຫລື ຮ້ານຄ້າຕື່ມອີກ. ຫລາຍຄອບຄົວທີ່ອາໃສໃນເຂດສາມບ້ານນີ້ມີຄວາມເປັນກັງວົນວ່າ ທາງການຈະຈັບ ຈ່ອງເອົາທີ່ດິນຂອງພວກເຂົາໂດຍຈ່າຍຄ່າທົດແທນໃຫ້ໃນຈຳນວນຈຳກັດເຊິ່ງຈະເຮັດໃຫ້ເຂົາເຈົ້າບໍ່ສາ ມາດຊື້ດິນມາທົດແທນຈາກບ່ອນໃດຯໄດ້.

ຈະ​ບໍ່​ມີ​ການ​ໃຫ້ສຳ​ປະທານ​ໂດຍ​ປັດສະຈາກ​ການ​ຍິນ​ຍອມ​ຈາກ​ຜູ້​ທີ່​ໄດ້ຮັບຜົນ​ກະທົບ

 

​ Vientiane Times, 4 November 2014

ບັນດາ​ນິຕິ​ກຳ​ກ່ຽວ​ກັບ​ທີ່​ດິນ​, ​ເຊິ່ງລວມທັງ​ນະ​ໂຍບາຍ​ທີ່​ດິນ​ແຫ່ງ​ຊາດ ​ແລະ ກົດໝາຍ​ວ່າ​ດ້ວຍ​ທີ່​ດິນ​ຈະ​ຕ້ອງ​ກຳນົດ​ໃຫ້​ແຈ້ງວ່າ ດິນ​ທີ່​ສາມາດ​ເວນ​ຄືນ​ໄດ້​ນັ້ນ​ກໍ​ຕໍ່​ເມື່ອ​ການ​ເວນ​ຄືນ​ເຮັດຂຶ້ນ​ເພື່ອ​ຜົນ​ປະ​ໂຫຍ​ດ ສາທາລະນະ​ເທົ່າ​ນັ້ນ. ຂໍ້ຄວາມ​ດັງ​ກ່າວ​ແມ່ນ​ໜຶ່ງ​ໃນ​ບັນດາ​ຂໍ້ຄວາມສຳຄັນ​ຂອງໜ່ວຍ​ງານ​ຍ່ອຍ​ທີ່​ເຮັດວຽກ​ກ່ຽວ​ຂອງ​ກັບ​ທີ່​ດິນ​ໄດ້​ສະ​ເໜີ​ຕໍ່​ໜ່ວຍ​ງານ​ດ້ານ​ຊັບພະຍາກອນ​ທຳ​ມະ​ຊາດ​ ແລະ ​ສິ່ງ​ແວດ​ລ້ອມ​ລະດັບ​ຊາດເພື່ອ​ເປັນ​ການ​ກະກຽມ​ໃຫ້​ແກ່​ການຈັດ​ຕັ້ງກອງ​ປະຊຸມ​ໂຕະມົນສາກົນທີ່​ຈະ​ມີ​ຂຶ້ນ​ຢູ່​ນະຄອນຫລວງ​ວຽງ​ຈັນ​ໃນ​ເດືອນ​ນີ້​. ຂໍ້ຄວາມ​ດັງ​ກ່າວໄດ້​ເຜີ​ຍ​ແຜ່​ໃນ​ກອງ​ປະຊຸມຂອງ​ໜ່ອຍ​ງານດ້ານ​ຊັບພະຍາກອນ​ທຳ​ມະ​ຊາດ​ ແລະ​ ສິ່ງ​ແວດ​ລ້ອມ, ​ເຊິ່ງ​ໄດ້​ຈັດ​ຂຶ້ນ​ໃນ​ມື້ວານ​ນີ້​ຢູ່​ນະຄອນຫລວງ​ວຽງ​ຈັນ ​ໂດຍ​ມີ​ ນາງ ບຸນ​ຄຳ ວໍຣະຈິດ​, ລັດຖະມຸນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ​ ແລະ​ສິ່ງ​ ແວດ​ລ້ອມ, ນາງ ຊານ​ລີ ​ເບີ​ມິງ​ແຮມ​, ຜູ້​ຈັດການ​ທະນາຄານ​ໂລກ​ປະຈຳລາວ​, ​ແລະ ທ່ານ ​ໄມ​ເຄິນ ​ໂກຣ, ​ເອກ​ອັກຄະ​ລັດຖະທູດ​ເຍຍ​ລະ​ມັນ​ປະຈຳ​ລາວ​ເຂົ້າ​ຮ່ວມ.

ໜ່ວຍ​ງານ​ຍ່ອຍ​ທີ່​ເຮັດດວຽກ​ກ່ຽວ​ກັບ​ທີ່​ດິນ​ໄດ້​ໃຫ້​ຂໍ້​ສະ​ເໜີ​ແນະ​ບັນຫາທີ່ກ່ຽວຂ້ອງ​ກັບ​ຄວາມ​ໝັ້ນຄົງ​ໃນ​ການ​ຄອບ​ຄອງ​ທີ່​ດິນ​ສຳລັບ​ພົນລະ​ເມືອງ​ລາວ​ ​ແລະ ​ການ​ປົກ​ປ້ອງ​ການ​ລົງທຶນ​ທີ່​ໄດ້​ຈັດ​ຕັ້ງ​ປະຕິບັດ​ຢູ່​ລາວ. ບັນຫາ​ທີ່​ດິນ​ເປັນ​ບັນຫາ​ທີ່​ແກ່ຍາວ​ມາ​ຫລາຍ​ປີ​ ແລະ ໃນຂະນະ​ດຽວກັນ​ນະ​ໂຍບາຍ​ທີ່​ດິນ​ທີ່​ລັດຖະບານ​ເລີ່​ມຮ່າງ​ຂຶ້ນ​ເມື່ອ​ຫລາຍ​ປີຜ່ານມາ​ນັ້ນຍັງ​ບໍ່​ທັນ​​ຖືກຮັບຮອງຈາກ​ສະພາ​ແຫ່ງ​ຊາດເທື່ອ ​ເຖິງ​ວ່າ​ບັນຫາ​ດັ່ງກ່າວໄດ້​ນຳ​ເຂົ້າ​ກອງ​ປະຊຸມ​ສະພາ​ຫລາຍ​ຄັ້ງ​ກໍ​ຕາມ. ການ​ສຳ​ປະທານ​ທີ່​ດິນ ​ແລະ ຄ່າ​ທົດ​ແທນ​ຄືນ​ໃຫ້​ແກ່ປະຊາຊົນ​ຜູ້​ທີ່​ເສຍ​ທີ່​ດິນ​ ໄດ້​ຖືກ​ຍົກ​ຂຶ້ນ​ຢູ່​ເປັນ​ປະຈຳ​ໂດຍ​ສາທາລະນະ​ຊົນ​ໃຫ້​ຄຳ​ເຫັນ​ວ່າ ​ການ​ຊົດ​ເຊີຍຄວນ​ໃຫ້​ສອດຄ່ອງ​ຕາມ​ອັດຕາຕົວຈິງ​ໃນ​ທ້ອງ​ຕະຫລາດ.

ຈາກ​ຜົນ​ຂອງ​ກອງ​ປະຊຸມເຊິ່ງ​ໄດ້​ຈັດ​ກອງ​ປະຊຸມ​ໃນວັນ​ທີ 14 ​ເດືອນ​ຕຸລາ​ຜ່ານ​ມາ ໜ່ວຍ​ງານ​ຍ່ອຍ​ທີ່​ເຮັດດວຽກ​ກ່ຽວ​​ກັບ​ທີ່​ດິນ​ໄດ້​ມີ​ຂໍ້​ສະ​ເໜີ​ຢ່າງ​ແຂງ​ແຮງ​ວ່າ: ນິຕິ​ກຳ​ຕ້ອງ​ໃຫ້​ລາຍ​ລະອຽດ​ວ່າ ການ​ຄອບ​ຄອງ​ທີ່​ດິນ​ຫລື​ສິດ​ນຳ​ໃຊ້​ທີ່​ດິນ​ສາມາດ​ຖືກ​ຖອດຖອນ​ໄດ້ໂດຍ​ມີ​ການຍິນ​ຍອມ​ໂດຍ​ສະໝັກ​ໃຈ​ຂອງບັນດາ​ຜູ້​ທີ່​ຖື​ຄອງ​ສິດ​ທີ່​ໄດ້ຮັບຜົນ​ກະທົບ​ເທົ່າ​ນັ້ນ​ໂດຍ​ເຂົາ​ເຈົ້າ​ຈະ​ຕ້ອງ​ໄດ້ຮັບ​ແຈ້ງ​ໃຫ້​ຊາບ​ລ່ວງ​ໜ້າ​ເທົ່າ​ນັ້ນ​. ຢ່າງ​ໃດ​ກໍ​ຕາມ, ກໍລະນີນີ້ຈະ​ຖືກ​ຍົກ​ເວັ້ນ​ຖ້າວ່າການຮຽກ​ນຳ​ໃຊ້​ທີ່​ດິນ​ດັ່ງ​ກ່າວຈະ​ມີ​ຜົນ​ປະ​ໂຫຍ​ດຕໍ່​ສາທາລະນະ​ຊົນ​ທົ່ວ​ໄປ​ໂດຍ​ກົງ ​ແຕ່​ວ່າ​ໃນ​ກໍລະນີ​ດັ່ງກ່​າວ ຝ່າຍ​ຕ່າງ​ໆ​ທີ່​ໄດ້ຮັບບຜົນ​ກະທົບຈະ​ຕ້ອງ​ໄດ້ຮັບຄ່າ​ຊົດ​ເຊີຍ​ເຕັມ​ສ່ວນ ​ເປັນ​ທຳ ​ແລະ ລ່ວງ​ໜ້າ​. ອີກ​ດ້ານ​ໜຶ່ງ​ ການ​ດຳ​ເນີນ​ການ​ດັ່ງກ່າວ ​ແມ່ນ​ຕ້ອງ​ປະຕິບັດ​ຕໍ່ທີ່​ດິນ​ຂອງສ່ວນ​ບຸກຄົນ ແລະ ຂອງ​ລວມໝູ່​ເຊັ່ນ​ກັນ​, ​ເຊິ່ງຖື​ຄອງ​ສິດ​ຕາມ​ປະ​ເພນີ ຫລື ​​​ໂດຍ​ມີ​ໃບ​ຕາດິນ​ອອກ​ໃຫ້​ໂດຍ​ທາງ​ການ. ການ​ໂອນ​ທີ່​ດິນ​ລວມໝູ່​ໄປ​​ໃຫ້​ເອກະ​ຊົນ​ນຳ​ໃຊ້​ແມ່ນ​ສາມາດ​ປະຕິບັດ​ໄດ້​ຖ້າວ່າ​ມີ​ການ​ເຫັນ​ດີ​ໂດຍ​ການ​ຍິນ​ຍອມ​ຢ່າງ​ໜ້ອຍ​ສອງ​ສ່ວນ​ສາມ(ດີ​ແທ້​ແມ່ນ80​ສ່ວນ​ຮ້ອຍ)ຂອງ​ຜູ້​ຖື​ຄອງ​ສິດ​ນຳ​ໃຊ້​ທີ່​ດິນ​ທີ່ທັງ​ໝົດ​ໄດ້​ຮັບ​ຜົນ​ກະທົບ.  ກະຊວງ​ຊັບພະຍາກອນ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໄດ້​ຖືກ​ມອບ​ໝາຍ​ໃຫ້​ເປັນ​ກອງ​ເລຂາ​ຂອງ​ລັດຖະບານ​ໃນ​ຂະ​ແໜງ​ຊັບພະຍາກອນ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໂດຍ​ຕິດຕາມ​ກວດກາ​ໜ່ວຍງານທີ່​ເຮັດວຽກ​ໃນ​ຂະ​ແໜງ​ດັ່ງກ່າວ​ພາຍ​ໃຕ້​ຂະ​ບວນການ​ກອງ​ປະຊຸມໂຕະມົນຂອງ​ລັດຖະບານ. ​ໃນ​ກອງ​ປະຊຸມ​ທີ່​ຈັດ​ຂຶ້ນ​ໃນ​ມື້ວານ​ນີ້,ໜ່ວຍງານທີ່​ເຮັດວຽກ​ໃນ​ຂະ​ແໜງ​ຊັບພະຍາກອນ​ທຳ​ມະ​ຊາດ​ແລະ​ສິງ​ແວດ​ລ້ອມ​ໄດ້​ຮ່ວມ​ກັບ​ບັນດາ​ຄູ່​ຮ່ວມ​ພັດທະນາ​ທົບ​ທວນຄືນ​ຮ່າງວິ​ໄສ​ທັດ​ປີ2030ສຳ​ລັບ​ຂະ​ແໜງ​ການ​ດັ່ງກ່​າວ ​ແລ​ະ​ ​ແຜນການ​ທີ່​ຈະ​ນຳ​ເອົາ​ວິ​ໄສ​ທັດ​ດັ່ງກ່າວ​ເຂົ້າ​ໃນ​ແຜນ​ພັດທະນາ​ເສດຖະກິດ​ສັງຄົມ​ຫ້າ​ປີ​ຕໍ່ໜ້າ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes