ກຸ່ມແລກປ່ຽນຂໍ້ມູນເລື່ອງທີ່ດິນ - ແນໃສ່ສົ່ງເສີມ ຄວາມເຂົ້າໃຈ ແລະຄວາມຮູ້ທ່ວງທັນ ໃນດ້ານ ເສດຖະກິດສັງຄົມ ສິ່ງແວດລ້ອມ ທີ່ກ່ຽວຂ້ອງກັບການນຳໃຊ້ເນື້ອທີ່ດິນ ໃນໂຄງການ ຕ່າງໆ, ໂດຍການເກັບກຳ ແລະ ແລກປ່່ຽນ ຂໍ້ມູນ ຂ່າວສານ, ການສົນທະນາປຶກສາຫາລື ແລະ ການຄົ້ນຄວ້າວິໃຈ

Archive for the ‘Civil society / ປະຊາສັງຄົມ’ Category

ກອງປະຊຸມແລກປ່ຽນ ວຽກງານບໍລິຫານທີ່ດິນຂົງເຂດແມ່ນໍ້າຂອງ

ຂ່າວໂດຍ: ໜັງສືພິມ ເສດຖະກິດ – ສັງຄົມ

ວັນທີ 16 ພຶດສະພາ 2018

ກອງປະຊຸມແລກປ່ຽນບົດຮຽນຂອງອົງການຈັດຕັ້ງທາງສັງຄົມ ກ່ຽວກັບວຽກງານບໍລິຫານທີ່ດິນໃນຂົງເຂດແມ່ນໍ້າຂອງໄດ້ຈັດຂື້ນໃນວັນທີ 14 ພຶດສະພາ ຜ່ານມາທີ່ນະຄອນຫຼວງວຽງຈັນ ໂດຍໄດ້ຮັບການສະໜັບສະໜູນຈາກ ໂຄງການຄຸ້ມຄອງທີ່ດິນໃນພາກພື້ນແມ່ນໍ້າຂອງ (MRLG) ຊຶ່ງລວມມີ ສປປລາວ, ຫວຽດນາມ, ກໍາປູເຈຍ ແລະ ມຽນມາເຂົ້າຮ່ວມ.

ບັນດາຜູ້ເຂົ້າຮ່ວມກອງປະຊຸມ ພາບໂດຍ: LIWG

ບັນດາຜູ້ເຂົ້າຮ່ວມກອງປະຊຸມ
ພາບໂດຍ: LIWG

ຈຸດປະສົງ ຂອງກອງປະຊຸມຄັ້ງນີ້ ກໍ່ເພື່ອເປັນການແລກປ່ຽນບົດຮຽນຮ່ວມກັນກ່ຽວກັບການບໍລິຫານທີ່ດິນຂອງແຕ່ລະອົງການ ແລະ ປະເທດຂອງຕົນ, ການສະໜັບສະໜູນເຊິ່ງກັນ ແລະ ກັນ ໃນການສົ່ງເສີມໃຫ້ເກີດມີສ່ວນຮ່ວມຂອງພາກລັດ, ພາກເອກະຊົນ, ຄູ່ຮ່ວມພັດທະນາ ແລະ ຊຸມຊົນມີການເຮັດວຽກຮ່ວມກັນກນໃນການຄຸ້ມຄອງທີ່ດິນ, ການປ້ອງກັນຄວາມຂັດແຍ້ງ ແລະ ແກ້ໄຂບັນຫາກ່ຽວກັບປະເດັນດັ່ງກ່າວຢູ່ພາຍໃນກຸ່ມແມ່ນມຸ້ງເນັ້ນກ່ຽວກັບການແລກປ່ຽນດ້ານຍຸດທະສາດໃນການກໍານົດເປົ້າໝາຍກ່ຽວກັບການສະໜັບສະໜູນ ແລະ ການຮ່ວມມືຂອງອົງການຈັດຕັ້ງທາງສັງຄົມໃນແຕ່ລະປະເທດ.

ນອກຈາກນີ້ ຍັງເປັນການຮຽນຮູ້ ແລະ ແລກປ່ຽນກັນ ກ່ຽວກັບກໍລະນີສຶກສາແຜນການຄຸ້ມຄອງຮ່ວມປ່າສະຫງວນຫີນໜາມໜໍ່ຂອງອົງການຈັດຕັ້ງທີ່ບໍ່ຫວັງຜົນກໍາໄລ, ໂດຍກອງປະຊຸມໄດ້ນໍາສະເໜີລະບົບການບໍລິຫານຮ່ວມຂອງການຄຸ້ມຄອງປ່າສະຫງວນຫີນໜາມໜໍ່ທີ່ຕັ້ງຢູ່ເມືອງບົວລະພາ ແຂວງຄໍາມ່ວນ ເຊິ່ງມີເນື້ອທີ່ທັງໝົດ 82,000 ເຮັກຕາ, ເປັນເຂດຜາຫີນປູນທີ່ຕັ້ງຢູ່ຕາມເຂດຊາຍແດນ ລາວ, ຫວຽດນາມ. ນອກນັ້ນຍັງມີການນໍາສະເໜີກ່ຽວກັບແຜນຍຸດທະສາດການຄຸ້ມຄອງຮ່ວມປ່າສະຫງວນຫີນໜາມໜໍ່ ແລະ ການທ່ອງທ່ຽວແບບຢືນຍົງ ແລະ ແຜນການປ້ອງກັນປົກປັກຮັກສາປ່າສະຫງວນຖໍ້າ.

ເຊິ່ງໃນລະຫວ່າງວັນທີ 15 – 18 ພຶດສະພາ 2018 ຜູ້ເຂົ້າຮ່ວມກອງປະຊຸມຈະໄດ້ລົງໄປພື້ນທີ່ເຂດປ່າສະຫງວນດັ່ງກ່າວ ເພື່ອຮຽນຮູ້ກ່ຽວກັບວຽກງານການຄຸ້ມຄອງ ຮ່ວມປ່າສະຫງວນແຫ່ງຊາດພີນໜາມໜໍ່ ແລະ ພົບປະປະຊາຊົນ ເພື່ອຮຽນຮູ້ກ່ຽວກັບການຄຸ້ມຄອງຊັບພະຍາກອນທໍາມະຊາດໃນພື້ນທີ່ດັ່ງກ່າວ.

Govt, INGOs look to more productive cooperation

Vientiane Times, March 1, 2018

http://www.vientianetimes.org.la/FreeContent/FreeConten_Govt.php

ປະຕິທິນຂໍ້ມູນດ້ານກົດໝາຍເປັນສື່ຄວາມຮູ້ດ້ານນິຕິກຳ

ຂ່າວໂດຍ: ໜັງສືພຶມວຽງຈັນໃໝ່, ວັນທີ 22 ທັນວາ 2017

ທ່ານ ນາງເຊແລດຕິນ ໂກຣແຊວ, ຜູ້ອຳ ນວຍການ ອົງການເຮວວີຕັດ ປະຈຳລາວ ແລະ ເປັນປະທານ LIWG ຂື້ນກ່າວເປີດງານ ພາບໂດຍ: LIWG

ທ່ານ ນາງເຊແລດຕິນ ໂກຣແຊວ, ຜູ້ອຳ ນວຍການ ອົງການເຮວວີຕັດ ປະຈຳລາວ ແລະ ເປັນປະທານ LIWG ຂື້ນກ່າວເປີດງານ
ພາບໂດຍ: LIWG

ປະຕິທິນເຜີຍແຜ່ຂໍ້ມູນທາງດ້ານກົດໝາຍປະຈຳປີ 2018 ໄດ້ຄົ້ນຄວ້າ ແລະ ຈັດພິມໂດຍການຮ່ວມມື່ ລະ ຫວ່າງອົງການຈັດຕັ້ງທາງສັງຄົມລາວ ແລະ ສາກົນ ເຊິ່ງເປັນສ່ວນໜຶ່ງໃນການສື່ສານຄວາມຮູ້ທາງດ້ານນິຕິກຳເຊັ່ນ: ລັດຖະທຳມະນູນ, ກົດໝາຍ, ດຳລັດ, ບົດແນະນຳໃນຂົງເຂດທີ່ດິນ ຊັບພະຍາກອນທຳມະຊາດ ແລະ ສິ່ງແວດລ້ອມ, ບົດບາດຍິງ-ຊາຍ ແລະ ສົນທີສັນຍາ. ສຳລັບປະຕິທິນສະບັບນີ້ໄດ້ປະກອບດ້ວຍຮູບພາບ ແລະ ໜ້າຫຼັກແຕ່ລະໜ້າມີເນື້ອໃນທີ່ສາມາດນຳໃຊ້ໄດ້ໃນທາງກົດໝາຍ ແລະ ນະໂຍບາຍຕ່າງໆທີ່ເຂົ້າໃຈງ່າຍ ແລະ ສາມາດເປັນເຄື່ອງມືເຜີຍແຜ່ຂໍ້ມູນຫາປະຊາຊົນໃນທ້ອງຖິ່ນ ແລະ ເປັນບ່ອນອີງດ້ານຂໍ້ແນະນຳດ້ານກົດໝາຍ ເພື່ອຊ່ວຍໃຫ້ຂໍ້ມູນທີ່ຈຳເປັນໃນການຈັດຕັ້ງປະຕິບັດວຽກງານຕ່າງໆຂອງລັດຖະ ບານໃຫ້ສອດຄ່ອງຕາມລະບຽບຫຼັກການ ເປັນຕົ້ນ ແມ່ນການຄຸ້ມຄອງຊັບ ພະຍາ ກອນທຳມະຊາດ ແລະ ສິ່ງແວດລ້ອມແບບມີສ່ວນຮ່ວມ, ການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍທຸກຮູບແບບ, ຮູບການແກ້ໄຂຂໍ້ຂັດແຍ້ງ ແລະ ການຄຸ້ມຄອງແຮງງານຂັ້ນບ້ານ, ການທົດແທນຄ່າເສຍຫາຍຂອງໂຄງການພັດທະນາ, ຂັ້ນຕອນການແກ້ໄຂຂໍ້ສະເໜີຂອງຜູ້ທີ່ໄດ້ຮັບຜົນກະທົບຈາກໂໂຄງການພັດທະນາ, ແລະ ສິດຂອງຜູ້ຮ້ອງ ທຸກໃນການເຂົ້າເຖິງຄວາມຍຸດຕິທຳ.

ເພື່ອແນ່ໃສ່ເຮັດໃຫ້ປະຊາຊົນບັນດາເຜົ່າໃນເຂດຫ່າງໄກສອກຫຼີກສາມາດເຂົ້າເຖິງຂໍ້ມູນຂ່າວສ່ານ, ມີສ່ວນຮ່ວມໃນການພັດທະນາແບບຍືນຍົງ, ປະກອບສ່ວນໂຄສະນາເຜີຍແຜ່ບັນດາລະບຽບການຂໍ້ກຳນົດ ແລະ ກົດໝາຍທີ່ພັກ-ລັດວາງອອກ ເພື່ອພ້ອມກັນຈັດຕັ້ງປະຕິບັດຢ່າງມີປະສິດທິຜົນ.

ພິທີນຳສະເໜີປະຕິທິນກ່ຽວກັບການເຜີຍແຜ່ຂໍ້ມູນດ້ານກົດໝາຍປະຈຳປີ 2018 ຈັດຂື້ນວັນທີ 19 ທັນວາ 2017 ຢູ່ທີ່ອົງການບ້ານຈຸດສຸມ (VFI) ນະຄອນຫຼວງວຽງຈັນ ມີທ່ານນາງ ເຊແລດສະຕິນ ໂກຮແຊວ ຜູ້ອຳ ນວຍການ ອົງການເຮວວີຕັດ ປະຈຳລາວ ທັງເປັນປະທານຄະນະບໍລິຫານງານ ກຸ່ມແລກປ່ຽນຂໍ້ມູນເລື່ອງທີ່ດິນ (LIWG), ບັນດາຫົວໜ້າອົງການຈັດຕັ້ງພາກລັດ, ຜູ້ປະສານງານໂຄງການ (LIWG) ແລະ ແຂກຖືກເຊີນເຂົ້າຮ່ວມ.

“ທາງທີມງານໄດ້ປຸກລະດົມ ໃຫ້ພວກເຮົາມີຄວາມຫ້າວຫັນໃນການປະກອບສ່ວນໃນຊ່ວງຝຶກອົບຮົມ”

ໂດຍ: ກອງເລຂາ LIWG

29 ພະຈິກ 2017

ໂຄງການສົ່ງເສີມການຮຽນຮູ້ກ່ຽວກັບທີ່ດິນເພື່ອເພີ່ມຄວາມໝັ້ນຄົງທາງດ້ານສະບຽງອາຫານ (LIFE) ເຊິ່ງເປັນໂຄງການພາຍໃຕ້ການລິເລີ່ມໂດຍ ກຸ່ມແລກປ່ຽນຂໍ້ມູນເລື່ອງທີ່ດິນ (LIWG) ໄດ້ຈັດ ກອງປະຊຸມ ກ່ຽວກັບ ຊຸມຊົນແຫ່ງການຮຽນຮູ້ ແລະ ການແລກປ່ຽນ (CoP) ໃນວັນທີ 28 ພະຈິກ 2017 ທີ່ ເຮືອນ ຮຽນຮູ້, ນະຄອນຫຼວງວຽງຈັນ

ພາຍໃນກອງປະຊຸມ ຄູ່ຮ່ວມງານຂອງໂຄງການ LIFE ກໍ່ໄດ້ເຂົາຮ່ວມ ເພື່ອແລກປ່ຽນກ່ຽວກັບບົດຮຽນ ແລະ ປະສົບການ ໂດຍສະເພາະແມ່ນຜົນໄດ້ຮັບຂອງໂຄງການ LIFE ທີ່ຮ່ວມງານການຝຶກອົບຮົມໃກ້ຊິດ ແກ່ບັນດາ ຄູ່ຮ່ວມງານ, ປຶກສາຫາລືກ່ຽວກັບຊ່ອງວ່າງ ແລະ ວິທີທາງໃນການແກ້ໄຂ ແລະ ເພື່ອ ວາງແຜນຮ່ວມກັນກ່ຽວກັບ ກິດຈະກຳບູລິມະສິດ ທີ່ທາງໂຄງການ LIFE ແລະ ຄູ່ມຮ່ວມງານ ຢາກຈະເຮັດວຽກຮ່ວມກັນໃນອະນາຄົດ.

ໃນກອງປະຊຸມ ທາງທີມງານ ກໍ່ຍັງໄດ້ ວາງສະແດງກ່ຽວກັບບັນດາ ເຄື່ອງມື ແລະ ເອກະສານຕ່າງໆ ເຊັ່ນ: ຮູບພາບ, ໂພສເຕີ, ວິດີໂອ ແລະ ວິທີ່ການການໃຊ້ເກມ ເຊື່ອມຫົວຂໍ້ຝຶກອົບຮົມກ່ຽວກັບ ທີ່ດິນ ແລະ ສັນຍາກະສິກຳ ທີ່ທາງທີມງານ ໄດ້ນຳໃຊ້ເຂົາໃນການຝຶກອົບຮົມ ແກ່ຄູ່ຮ່ວມງານ.

ໃນກອງປະຊຸມ ຄູ່ຮ່ວມງານຫຼາຍທ່ານ ກໍ່ໄດ້ເວົ້າເປັນສຽງດຽວກັນວ່າ ວິທີການຝຶກອົບຮົມຂອງ LIFE ແມ່ນເປັນວິທີການທີ່ດຶງດູດໃຫ້ທຸກຄົນມີສ່ວນຮ່ວມ ແລະ ທັງໄດ້ຄວາມຮູ້ ແລະ ຄວາມມ່ວນຊື່ນຕະຫຼຶດທັງຊ່ວງຂອງການຝຶກອົບຮົມໃນແຕ່ລະຄັ້ງ.  “ຕະຫຼອດຊ່ວງຝຶກອົບຮົມ ທາງທີມງານໄດ້ປຸກລະດົມ ໃຫ້ພວກເຮົາມີຄວາມຫ້າວຫັນໃນການປະກອບສ່ວນ ພ້ອມທັງໃຫ້ເຮັດພວກເຮົາເຂົ້າໃຈບັນຫາ ຜ່ານຂະບວນການຮຽນຮູ້ທີ່ສ້າງສັນຂອງທີມງານ, ຄູ່ຮ່ວມງານທ່ານໜຶ່ງຂອງໂຄງການ LIFE ກ່າວ.

“The methodologies they used encouraged me to be more active in the training”

By LIWG Secretariat

November 29,2017

The Land learning Initiative for Food security Enhancement (LIFE) under the Land Information Working Group (LIWG) organized the community of Practice Workshop on November 28, 2017 at Learning House, Vientiane.

The Workshop participated by its partners  to share experiences, lessons learnt and results; to identify capacity-building gaps and needs; and to determine priorities for LIFE and partners going forward.

During the workshop, the team from LIFE project also shared their materials that have been used for organizing the coaching for their partners such as poster, videos and using game to connect with workshop related to land issue and contract farming.

Regional countries seek new approaches to agricultural investment

Source: Vientiane Times, November 16, 2017

http://www.vientianetimes.org.la/sub-new/Business/Business_Regional.html

Job Opening: Lao Land Resource Centre (LLRC) Manager

Job Vacancy 

Organization: Village Focus International (VFI)

Project: Lao Land Resource Center Project

Start work date: As soon as possible

Job title: Lao Land Resource Centre (LLRC) Manager

Lao Land Resource Centre (LLRC) Manager 

The Lao Land Resource Centre (LLRC) Manager will assume responsibility for all day-to-day management of Lao Land Resource Centre. The LLRC will:

Officials up to speed for Roundtable meeting in Champassak

Source: Vientiane Times, 10 November 2017

http://www.vientianetimes.org.la/FreeContent/FreeConten_Officials.html

Workshop on Land and Natural Resource Management for NA and PPA members

Source: Phouthan Pasaxon Newspaper, Issue 1st – 4th October 2017

(NA) To strengthen deep understanding on Land and Natural Resource Management, Legislative Research Institute of National Assembly organized workshop on “Knowledge and Experience Sharing with the National Assembly/Provincial People councils’ members on Land and Natural Resource Management” at International Convention Training Center (ICTC), Vientiane from 28-29 October 2017. The workshop was chaired by Dr Khampheuy Panmalaythong, the president of Legislative Research Institute of National Assembly, Laos. There were totally 153 participants from National Assembly’s members, Provincial People Assembly ’ members, President – Vice president of the NA committees, President -Vice president of different departments, centers, officials from National Assembly, The acting director general of Legislation Department from Ministry National Resource and Environment, representatives of relevant ministries, representatives from Village Focus International (VFI), Food and Agriculture Organization of the United Nations (FAO) and Community Association for Mobilizing Knowledge in Development (CAMKID)/Oxfam attended this workshop.

ສຳມະນາວຽກງານທີ່ດິນ ແລະ ຊັບພະຍາກອນທຳມະຊາດໃຫ້ແກ່ ສສຊ ແລະ ສສຂ

ຂ່່າວຈາກ: ໜັງສືພິມ ຜູ້ແທນປະຊາຊົນ, ສະບັບວັນທີ 1-4/10/2017

(ສພຊ) ເພື່ອສ້າງຄວາມເຂົ້າໃຈຕໍ່ວຽກງານບໍລິຫານທີ່ດິນ ແລະ ຊັບພະຍາກອນທຳມະຊາດໃຫ້ມີຄວາມເລິກເຊິ່ງ, ສະຖາບັນຄົ້ນຄວ້ານິຕິກຳ ສະພາແຫ່ງຊາດ ໄດ້ຈັດກອງປະຊຸມສຳມະນາ ເພື່ອແລກປ່ຽນຄວາມຮູ້ ແລະ ບົດຮຽນກ່ຽວກັບການບໍລິຫານວຽກງານທີ່ດິນ ແລະ ຊັບພະຍາກອນທຳມະຊາດ ໃຫ້ແກ່ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນຂັ້ນແຂວງ  (ສສຂ) ທີ່ ສູນ ຮ່ວມມືສາກົນ ແລະ ການຝຶກອົບຮົມ (ICTC) , ນະຄອນຫຼວງວຽງຈັນ ລະຫວ່າງວັນທີ 28-29 ກັນຍາ 2017, ພາຍໃຕ້ການເປັນປະທານຂອງທ່ານ ຄໍາເຜີຍ ປານມາໄລທອງ ຫົວໜ້າ ສະຖາບັນຄົ້ນຄວ້າ ນິຕິກຳແຫ່ງຊາດ; ມີບັນດາທ່ານ ສສຊ ແລະ ສສຂ, ປະທານ-ຮອງປະທານກຳມາທິການ, ຫົວໜ້າ-ຮອງຫົວໜ້າກົມ, ສູນ, ພະນັກງານພາຍໃນ ສພຊ, ຫົວໜ້າກົມນິຕິກຳ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ຕ່າງໜ້າຈາກກະຊວງທີ່ກ່ຽວຂ້ອງ,​ ຫົວໜ້າໂຄງການບ້ານຈຸດສຸມ (VFI), ຕ່າງໜ້າຈາກອົງການອາຫານ (FAO) ແລະ ຕ່າງໜ້າຈາກ (CAMKID)/OXFAM ເຂົ້າຮ່ວມທັງໝົດ 153 ທ່ານ.

ທັ້ງນີ້ ກໍ່ເພື່ອສະໜັບສະໜູນການປະກອບສ່ວນຄວາມຄິດເຫັນຂອງທ່ານ ສສຊ ແລະ ສສຂ ເຂົ້າໃນຮ່າງກົດໝາຍທີ່ດິນ (ສະບັບປັບປຸງ); ການໃຫ້ສຳປະທານ ແລະ ການໃຫ້ເຊົ່າທີ່ດິນ ໂດຍຜ່ານການສົນທະນາແລກປ່ຽນຄວາມຄິດເຫັນກັນ; ພ້ອມນັ້ນ ເພື່ອເຮັດໃຫ້ການຈັດຕັ້ງປະຕິບັດພາລະບົດບາດຂອງສະພາແຫ່ງຊາດ, ສະພາປະຊາຊົນຂັ້ນແຂວງ ແລະ ອົງການຈັດຕັ້ງທາງສັງຄົມ ໃນການຕິດຕາມກວດກາ ການຈັດຕັ້ງປະຕິບັດກົດໝາຍ ແລະ ບັນດານະໂຍບາຍກ່ຽວກັບທີ່ດິນໃຫ້ມີປະສິດທິພາບທີ່ເພີ່ມຂື້ນ; ເພື່ອຍົກລະດັບຄວາມຮູ້ ແລະ ປະສົບການກ່ຽວກັບວຽກງານການຄຸ້ມຄອງທີ່ດິນ ແລະ ຊັບພະຍາກອນທຳມະຊາດໃຫ້ແກ່ ສສຊ ແລະ ສສຂ ພ້ອມດ້ວຍພະນັກງານທີ່ເປັນເສນາທິການໃຫ້ແກ່ກຳມາທິການຕ່າງໆ.

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes