Working towards greater community control over land, forests and natural resources

ເລັ່ງເຈາະອຸໂມງທາງລົດໄຟ ລາວ-ຈີນ ເພື່ອຕ້ອນຮັບ “ໜຶ່ງແລວທາງ ໜຶ່ງເສັ້ນທາງ”

ແປລາຍງານນີ້ຈາກ: LandLink, 17/5/2017

ເຖິງແມ່ນວ່າຈະມີຝົນຕົກລົງມາຢ່າງໜັກຢູ່ທາງພາກເໜືອຂອງປະເທດ ແຕ່ວ່າການເຈາະອຸໂມງທາງລົດໄຟ ລາວ-ຈີນ ກໍ່ບໍ່ຢຸດຊະງັກ. ກົງກັນຂ້າມ ຍັງມີຄວາມຄືບໜ້າເປັນລຳດັບ. ໃນວັນທີ 17 ພຶດສະພາ ທາງສຳນັກຂ່າວ ວຽງຈັນ ທາມສ໌ ໄດ້ລາຍງານຄວາມຄືບໜ້າ ການກໍ່ສ້າງເສັ້ນທາງລົດໄຟ ລາວ-ຈີນ ເຊິ່ງຖືເປັນຂໍ້ຕໍ່ທີ່ສຳຄັັນຂອງການລິເລີ່ມ “ໜຶ່ງແລວທາງ ໜຶ່ງເສັ້ນທາງ” (One Belt One Road) ຂອງປະທານປະທານາທິບໍດີ ສີ ຈິ້ນຜິງ ຂອງປະເທດຈີນ ເພື່ອປັບສະຖານະ ຂອງ ສປປ ລາວ ຈາກປະເທດ Land Lock ໃຫ້ເປັນ Land Link ໂດຍພົບວ່າ ການຂຸດເຈາະອຸໂມງ 3 ແຫ່ງໃນແຂວງຫຼວງນໍ້າທາຍັງເດີນໜ້າຕໍ່ເນື່ອງທ່າມກາງສາຍຝົນ. ທ່ານ ຈັນທະຈອນ ແກ້ວນະຄອນ ຮອງຫົວໜ້າແຂວງຫຼວງນໍ້າທາ ໃນຖານະຜູ້ປະສານງານການກໍ່ສ້າງທາງລົດໄຟ ລາວ-ຈີນ ບອກກັບ ວຽງຈັນທາມສ໌ ວ່າອຸໂມງບໍ່ເຕັນສາມາດເຈາະໄດ້ເລິກຫຼາຍກວ່າ 50 ແມັດແລ້ວ ສ່ວນອຸໂມງມິດຕະພາບຂ້າມພົມແດນ ລາວ-ຈີນ ມີການເຈາະເລິກໄປໄດ້ 10 ແມັດແລ້ວ. ອຸໂມງມິດຕະພາບມີຄວາມຍາວທັງໝົດ 9.68 ກິໂລແມັດ ເຊິ່ງຢູ່ໃນຝັ່ງຈີນ 7.17 ກິໂລແມັດ ແລະ ຢູ່ຝັ່ງລາວ 2.51 ກິໂລແມັດ ແລະ ຄາດວ່າຈະໃຊ້ເວລາໃນການກໍ່ສ້າງທັງໝົດ 56 ເດືອນ.

ນອກຈາກນີ້ ບໍລິສັດຜູ້ຮັບເໝົາກໍ່ສ້າງຂອງຈີນກຳລັງກຽມວາງເສົາເຂັມຕໍ່ມໍ່ສະພານ ຊຶ່ງເຊື່ອມລະຫວ່າງ ແຂວງອຸດົມໄຊ ໂດຍໃນແຂວງອຸດົມໄຊນັ້ນ ຕ້ອງມີການເຈາະອຸໂມງເຖິງ 30 ດ້ວຍກັນ.

ທາງລົດໄຟລາວ-ຈີນເລີ່ມກໍ່ສ້າງແຕ່ເດືອນ ທັນວາ ປີ 2016 ເປັນຕົ້ນມາ ເຊິ່ງຄາດວ່າຈະໃຊ້ເວລາໃນການກໍ່ສ້າງສຳເລັດໃນປີ 2021. ທາງສຳນັກຂ່າວ ວຽງຈັນທາມສ໌ ລາຍງານຄວາມຄືບໜ້າ ການກໍ່ສ້າງເສັ້ນທາງລົດໄຟສາຍນີ້ 2ວັນ ຫຼັງກອງປະຊຸມ Belt and Road Forum for International Cooperation(BRF) ຢູ່ກຸງ ປັກກິ່ງ, ສປປ ຈີນ, ເຊິ່ງ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຮັບການເຊື້ອເຊີນໃຫ້ເຂົ້າຮ່ວມປະຊຸມຄັ້ງນີ້ ໄດ້ບອກກ່ອນການປະຊຸມວ່າ ປະເທດລາວໃຫ້ຄວາມສຳຄັນ ແລະ ສະໜັບສະໜູນຂໍ້ລິເລີ່ມ “ໜຶ່ງແລວທາງ ໜຶ່ງເສັ້ນທາງ” (One Belt One Road) ແລະ ພ້ອມຈະຮ່ວມປະຕິບັດໃນກິດຈະກຳ ແລະ ໂຄງການຕ່າງໆ ເພື່ອນຳຜົນປະໂຫຍດມາສູ່ພູມິພາກ ແລະ ສົ່ງເສີມການເຊື່ອມໂຍງກັນຂອງບັນດາປະເທດທີ່ຢູ່ຕາມແນວເສັ້ນທາງ.

ເມື່ອວັນທີ 12 ພຶດສະພາ ທີ່ນະຄອນຫຼວງວຽງຈັນ ໄດ້ມີພິທີເຊັນສັນຍາລະຫວ່າງບໍລິສັດ ເອັນທີພີ ການຄ້ານໍ້າມັນເຊື້ອໄຟ ມະຫາຊົນ ກັບບໍລິສັດກໍ່ສ້າງທາງລົດໄຟໝາຍເລກ 2 ສປປ ຈີນ ຊຶ່ງຮັບຜິດຊອບການກໍ່ສ້າງທາງລົດໄຟ ລາວ-ຈີນ ຊ່ວງທີ6 ໃນພື້ນທີ່ ແຂວງວຽງຈັນ.

ໃນສັນຍານີ້ ເອັນທີພີ ຈະເປັນຜູ້ຈັດຫານໍ້າມັັນເຊື້ອເພີງຈຳນວນ 14.4 ລ້ານລິດ ໃຫ້ແກ່ບໍລິສັດກໍ່ສ້າງທາງລົດໄຟໝາຍເລກ 2 ຕະຫຼອດໄລຍະເວລາ 5 ປີ ໃນການກໍ່ສ້າງຊ່ວງຕັ້ງແຕ່ໂພນໂຮງ ເຖິງ ນະຄອນຫຼວງວຽງຈັນ.

ທາງລົດໄຟລາວ-ຈີນ ຕັ້ງແຕ່ຊາຍແດນບໍ່ເຕັນ ເຖິງ ນະຄອນຫຼວງວຽງຈັນມີຄວາມຍາວ 417 ກິໂລແມັດ ແລະ ຕະຫຼອດໄລຍະເວລາ 5 ປີ ຂອງການກໍ່ສ້າງຈຳເປັນຕ້ອງໃຊ້ນໍ້າມັນເຊື້ອເພີງ 250 ລ້ານລິດ ຫຼື ສະເລ່ຍປີລະ 50 ລ້ານລິດ.

ອ້າງອີງຂ່າວຈາກ:  Vientiane Times, 17/5/2018

http://www.vientianetimes.org.la/FreeContent/FreeConten_Laos111.html

ແລະ ສຳນັກຂ່າວສານປະເທດລາວ, KPL, 15/5/2017

http://kpl.gov.la/detail.aspx?id=24435

 

You can skip to the end and leave a response. Pinging is currently not allowed.

Leave a Reply

*

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes