Working towards greater community control over land, forests and natural resources

“ ໜຶ່ງແລວທາງ ໜຶ່ງເສັ້ນທາງ ” ກາລະໂອກາດ ແລະ ສິ່ງທ້າທາຍ

ແຫຼ່ງທີ່ມາຂອງຂ່າວ: ສຳນັກຂ່າວສານປະເທດລາວ, KPL, May 12 2017

http://kpl.gov.la/detail.aspx?id=24350

  • ເສັ້ນສີແດງ (ເສັ້ນເທິງ) ແມ່ນແລວທາງ ເສດຖະກິດ ຕາມເສັ້ນທາງ ສາຍໄໝ, ເສັ້ນສີຟ້າ (ເສັ້ນລຸ່ມ) ແມ່ນເສັ້ນທາງ ສາຍໄໝທາງ ທະເລແຫ່ງ ສັດຕະວັດ ທີ 21.
ຄຳວ່າ “ ໜຶ່ງແລວທາງ ໜຶ່ງເສັ້ນທາງ” ຫລື ພາສາອັງກິດເວົ້າວ່າ “ One Belt One Road ” ໄດ້ແປມາຈາກ ພາສາຈີນ “一代一路” ເຊິ່ງອ່ານອອກສຽງ ເປັນພາສາລາວວ່າ  “ອີຕ້າຍ ອີລູ້ ”. “ ໜຶ່ງແລວທາງ ໜຶ່ງເສັ້ນທາງ ” ແມ່ນຫຍໍ້ມາຈາກ ສອງປະໂຫຍກ ແນວຄວາມຄິດ ຍຸດທະສາດ ຂໍ້ລິເລີ່ມອັນສຳຄັນ ໃນການກໍ່ສ້າງ “ ແລວທາງເສດຖະກິດ ເສັ້ນທາງສາຍໄໝ ແລະ ເສັ້ນທາງສາຍໄໝ ທາງທະເລ ແຫ່ງສັດຕະວັດ ທີ 21” ທີ່ ທ່ານ ສີ ຈິນຜິງ ປະທານປະເທດ ແຫ່ງ ສປ ຈີນ ໄດ້ສະເໜີ ໃນໄລຍະການ ເດີນທາງຢ້ຽມຢາມ ບັນດາປະເທດ ຢູ່ອາຊີ ກາງ ແລະ ອາ ຊີຕາເວັນອອກສ່ຽງໃຕ້ ໃນເດືອນກັນຍາ ແລະ ເດືອນຕຸລາ ປີ 2013  ເຊິ່ງໄດ້ເປັນເຂັມທິດ ຕໍ່ການປະຕິຮູບ ຮອບໃໝ່, ມີຄວາມໝາຍ ອັນສຳຄັນຕໍ່ ປະເທດອ້ອມຂ້າງ ກໍຄືຕໍ່ທົ່ວໂລກ ແລະ ກໍ່ໄດ້ຮັບການ ສະໜັບສະໜູນ ຈາກລັດຖະ ບານລາວ ຢ່າງເຕັມທີ່.

ການກໍ່ສ້າງ “ໜຶ່ງແລວທາງ ໜຶ່ງເສັ້ນທາງ” ແມ່ນຢືດໝັ້ນ ຕາມຫລັກການ “ຮ່ວມກັນປຶກສາ, ຮ່ວມກັນສ້າງ, ຮ່ວມກັນຊົມໃຊ້”, ຕັ້ງໜ້າຊຸກຍູ້ ຍຸດທະສາດ ການພັດທະນາ ຂອງບັນດາປະເທດ ທີ່ຢູ່ຕາມແລວທາງ ໃຫ້ເຊື່ອມໂຍງເຂົ້າກັນ. ຈິດໃຈຂໍ້ລິເລີ່ມ “ ໜຶ່ງ ແລວທາງໜຶ່ງ ເສັ້ນທາງ ” ຂອງປະທານ ສີຈິນຜິງ ແມ່ນເພື່ອສືບຕໍ່ ສ້າງກາລະໂອກາດອັນໃໝ່ໃຫ້ແກ່ ການລົງເລິກຮ່ວມມື ກັບຕ່າງປະເທດ ແລະ ຂະຫຍາຍພື້ນທີ່ ອັນໃໝ່ໃນການ ຮ່ວມມືກັບ ພາກພື້ນ, ໂດຍເລັ່ງໃສ່ ເຊື່ອມໂຍງ 5 ຂົງເຂດໃຫຍ່ ຄື: ສົ່ງເສີມການ ເຊື່ອມໂຍງທາງ ດ້ານນະ ໂຍບາຍ, ການເຊື່ອມໂຍງ ທາງດ້ານພື້ນຖານໂຄງລ່າງ, ສ້າງຄວາມສະດວກ ສະບາຍທາງດ້ານການຄ້າ, ​ການເຊື່ອມໂຍງ ທາງດ້ານທຶນຮອນ, ການເຊື່ອມໂຍງ ຄວາມສຳພັນ ລະຫວ່າງປະຊາຊົນ.

ການກໍ່ສ້າງ ‘‘ໜຶ່ງແລວໜຶ່ງເສັ້ນທາງ’’ ຂອງ ຈີນ ແມ່ນສອດຄ່ອງ ກັບຍຸດທະສາດ ແລະ ນະໂຍບາຍ ຂອງ ສປປ ລາວ ເພື່ອສ້າງປະເທດ ທີ່ບໍ່ມີທາງອອກສູ່ ທະເລມາເປັນປະເທດ ທາງຜ່ານຂອງສາກົນເຊິ່ງກໍໄດ້ນໍ​ເອົາ ກາລະໂອກາດອັນດີ ໃຫ້ແກ່ປະເທດລາວ ເປັນຕົ້ນ: ໂດຍ ອີງໃສ່ນະໂຍບາຍ “ໜຶ່ງແລວທາງ ໜຶ່ງເສັ້ນທາງ” ຂອງ ສປ ຈີນ, ປັດຈຸບັນສອງ ປະເທດ ລາວ-ຈີນ ໄດ້ຮ່ວມກັນສ້າງ ແຜນແມ່ບົດຊຸກຍູ້ ການຮ່ວມມືກໍ່ສ້າງ “ໜຶ່ງແລວທາງ ໜຶ່ງເສັ້ນທາງ” ແລະ ຈະລົງນາມນຳກັນ ໃນໂອກາດທ່ານ ເລຂາທິການໃຫຍ່ ບຸນຍັງ ວໍລະຈິດ ຢ້ຽມ ຢາມ ສປ ຈີນ ເປັນການພາຍໃນ  ແລະ ເຂົ້າຮ່ວມເວທີ ປຶກສາຫາລື ຂັ້ນສູງວ່າດ້ວຍ ການຮ່ວມມືສາກົນ “ໜຶ່ງ​ແລວ​ທາງ ໜຶ່ງ​ເສັ້ນທາງ ໃນລະຫວ່າງວັນທີ 12-15 ພຶດສະພານີ້. ແຜນແມ່ບົດດັ່ງກ່າວ ແມ່ນອີງໃສ່ ລັກສະນະຈຸດພິເສດ, ພື້ນຖານການ ຮ່ວມມື ແລະ ລັກສະນະຄໍ້າ ຈູນກັນ ຂອງສອງປະເທດລາວ ແລະ ຈີນ, ລົງເລິກໃສ່ ການຮ່ວມມື ໃນຂົງເຂດຈຸດສຸມ ແລະ ໂຄງການທີ່ສຳຄັນ ພາຍໃຕ້ຂອບ ການຮ່ວມມື “ ໜຶ່ງແລວທາງ ໜຶ່ງເສັ້ນທາງ”, ຍົກລະດັບການ ເຊື່ອມໂຍງເຊື່ອມຈອດ ໃນຂະ ແໜງການ ຄົມມະນາຄົມ, ພະລັງງານໄຟຟ້າ ແລະ ຂະ ແໜງການ ພື້ນຖານໂຄງລ່າງອື່ນໆ, ລົງເລິກໃສ່ການ ຮ່ວມມືຂົງເຂດການຄ້າ ແລະ ການລົງທຶນ, ເສີມຂະຫຍາຍພື້ນ ທີ່ການຮ່ວມມື ດ້ານອຸດສາຫະກຳ ການຜະລິດ ແລະ ເຂດນິຄົມ ອຸດສາຫະກຳ, ນຳໃຊ້ກົນໄກການ ຮ່ວມມືທີ່ມີຢູ່ແລ້ວ ໃຫ້ມີປະສິດທິຜົນ, ເພີ່ມທະວີການ ຮ່ວມມືການ ກໍ່ສ້າງ ແລະ ເຝິກອົບຮົມ ດ້ານຊັບພະຍາ ກອນມະນຸດ, ສົ່ງເສີມການ ພັດທະນາ ເສດຖະກິດ-ສັງຄົມ ແບບຍືນຍົງ ຂອງສອງປະເທດ, ເພີ່ມພູນຄູນສ້າງ ຄວາມອຸດົມຮັ່ງມີ ຜາສຸກຂອງ ປະຊາຊົນສອງຊາດ, ເສີມ​ຂະຫຍາຍ ທ່າແຮງ​ຂອງ​ ສປປ ລາວ  ທີ່​ນອນ​ຢູ່​​ໃຈ ກາງ​ ແຫລມ​ອິນດູຈີນ ​ໃຫ້​​ພົ້ນ​ເດັ່ນຍິ່ງຂຶ້ນ.
ແຜນແມ່ບົດຮ່ວມມືດັ່ງກ່າວ ໄດ້ຖືເອົາບາງ ໂຄງການຮ່ວມມື ສຳຄັນເປັນແຮງ ຊຸກດັນເຊັ່ນ: ​ໂຄງການ​ທາງ​ລົດ​ໄຟ​ລາວ​-ຈີນ, ໂຄງການສ້າງແຜນ ແມ່ບົດຕາໜ່າງ ເສັ້ນທາງ 3911  ​ແລະ ​ໂຄງການ​ສຳຄັນ​ອື່ນໆ ​ເພື່ອ​ຊຸກຍູ້ການ​ ເຊື່ອມ​ໂຍງ​ເຊື່ອມ​ ຈອດ​ດ້ານ​ພື້ນ ຖານ​ໂຄງ​ລ່າງ, ລວມທັງເຊື່ອມ ໂຍງກັບ​ບັນດາ ​ປະ​ເທດ​ແຫລມ​ ອິນດູຈີນ ​ແລະ ຕາໜ່າງເສັ້ນທາງ ພາຍໃນປະເທດ ຊ່ວຍ​ເຮັດ​ໃຫ້​ ສປປ ລາວ ບັນລຸ​ເປົ້າ​ໝາຍ​ ຍຸດ​ທະ​ສາດ ​ໃນ​ການ​ຫັນ ສປປ ລາວ ຈາກ​ປະ​ເທດ Land lock ​ເປັນ Land link​. ​ຖື​ເອົາ​ການ​ເຊື່ອມ​ໂຍງ​ ດ້ານ​ຄົມມະນາ ຄົມ ຂ້າມ​ແດນ​ທີ່​​ເປັນ ​ລະບົບ​ຄົບຊຸດ ເປັນ​ຈຸດ​ສຸມພື້ນຖານ ​ແລະ ​ເຊື່ອມ​ຕໍ່​ຕາຂ່າຍ ດ້ານພື້ນຖານ​ໂຄງ​ລ່າງ​ ຂອງ​ແລວ​ເສດຖະກິດ​ ລະຫວ່າງ​ແຫລມ​ອິນດູຈີນ ​ກັບ ສປ ຈີນ ​ໃຫ້​ມີ​ການ​ໂລ່ງ​ລ່ຽນ​ກັນ. ນອກຈາກໂຄງ ລ່າງແລ້ວ ຍັງມີການເຊື່ອມໂຍງ ຂົງເຂດອື່ນໆ ເຊັ່ນ: ການຄ້າ, ວັດ ທະນະທຳ-ສັງຄົມ, ເວົ້າລວມແມ່ນຮອບດ້ານ.

ສປປ ລາວ ແລະ ສປ ຈີນ ມີສາຍພົວພັນແບບຄູ່ ຮ່ວມຍຸດທະສາດ ຮອບດ້ານ ນຳກັນຢູ່ແລ້ວ, ຂົງເຂດການຮ່ວມມືໃນຂອບຂອງ “ໜຶ່ງແລວທາງ ໜຶ່ງເສັ້ນທາງ” ນີ້ສ່ວນໃຫຍ່ກໍ່ມີ ການຮ່ວມມື ຕົວຈິງມາແລ້ວ. ສະນັ້ນ, ການສ້າງການຮ່ວມມື ໃນຂອບ “ໜຶ່ງແລວທາງ ໜຶ່ງເສັ້ນທາງ” ຈະເປັນປັດໄຈ ເອື້ອອຳນວຍຊຸກ ຍູ້ອີກບາດກ້າວໜຶ່ງ ໃຫ້ແກ່ການຮ່ວມມື ໃນທຸກດ້ານ ລະຫວ່າງ ລາວ-ຈີນ ໃຫ້ຂະຫຍາຍຕົວ ແລະ ນຳເອົາຜົນປະໂຫຍດ ມາສູ່ປະຊາຊົນສອງຊາດຫລາຍຂຶ້ນ.

ອັນພົ້ນເດັ່ນອີກອັນໜຶ່ງ ທີ່ພວກເຮົາຈະໄດ້ຮັບ ແມ່ນການເຂົ້າເຖິງແຫລ່ງທຶນ ເຊິ່ງແຫລ່ງທຶນ ທີ່ເປັນເສົາຄໍ້າ ຂອງຂໍ້ລິເລີ່ມ “ໜຶ່ງແລວທາງ ໜຶ່ງເສັ້ນທາງ” ແມ່ນມີຈໍານວນ ມະຫາສານ, ແຕ່ລະປະເທດ ທີ່ລຽບຕາມແລວທາງ ສາມາດນຳສະເໜີ ໂຄງການທີ່ເຫັນວ່າ ສອດຄ່ອງ ກັບ ນະໂຍບາຍເຊື່ອມໂຍງ ເຊື່ອມຈອດ ຂອງຂໍ້ລິເລີ່ມ “ໜຶ່ງແລວທາງ ໜຶ່ງເສັ້ນທາງ” ແລະ ທັງເປັນໂຄງການ ບູລິມະສິດຂອງ ປະເທດຕົນ ເພື່ອສະເໜີ ຕໍ່ຝ່າຍຈີນ ນໍາໃຊ້ແຫລ່ງທຶນ ດັ່ງກ່າວ. ໃນນັ້ນ, ປະເທດລາວເຮົາ ກໍ່ແມ່ນປະເທດໜຶ່ງ ທີ່ນອນໃນແລວ ທາງດັ່ງກ່າວ, ຄວນ ແຕ່ງຕັ້ງ ຫລື ກຳນົດໜ່ວຍງານໃດໜຶ່ງ ເພື່ອຮັບຜິດຊອບ ສຶກສາຄົ້ນຄວ້າ ແລະ ປະສານສົມທົບ ກັບຝ່າຍຈີນ ເພື່ອທຳຄວາມເຂົ້າໃຈ ແລະ ຊອກຫາຊ່ອງທາງ ເຂົ້າຫາແຫລ່ງທຶນ ດັ່ງກ່າວຢ່າງຖືກຕ້ອງ ແລະ ນຳໃຊ້ໄດ້ຢ່າງແທ້ຈິງ.

ສະນັ້ນເພື່ອຮອງຮັບການກໍ່ສ້າງ ‘‘ໜຶ່ງແລວໜຶ່ງເສັ້ນທາງ’’ ເຮົາຕ້ອງກະກຽມ ຄວາມພ້ອມທາງ ດ້ານບຸກຄະລາກອນ ຜູ້ມີຄວາມສາມາດ ທີ່ຈະຮອງຮັບໃນການ ເຊື່ອມໂຍງໄລຍະໃໝ່. ພ້ອມທັງປັບປຸງ ລະບົບການເຮັດ ວຽກຂອງປະເທດເຮົາ ໃຫ້ແທດເໝາະ ແລະ ສາມາດ ຮັບມືກັບ ການເຊື່ອມໂຍງ ເຊິ່ງສິ່ງເຫລົ່ານີ້ ຍັງເຫັນວ່າ ເປັນສິ່ງທ້າທາຍ ສຳລັບປະເທດເຮົາ.

“ໜຶ່ງ​ແລວທາງ ໜຶ່ງ​ເສັ້ນທາງ” ​ເປັນ​ໜຶ່ງ​ໃນ​ການຈັດ ​ຕັ້ງ​ປະ​ຕິບັດ​ນະ​ໂຍບາຍ ການ​ຕ່າງປະ​ເທດ ​ແລະ ການ​ທູດ ​ເສດຖະກິດ​ ໃຫ້​ເຂັ້ມ​ແຂງ ​ແລະ ໜັກ​ແໜ້ນ. ມັນແມ່ນ​ຍຸດ​ທະ​ສາດ​ ທີ່​ຜັນ​ຂະຫຍາຍ​ມາ​ ຈາກຂໍ້​ລິ​ເລີ່​ມ​ເສັ້ນທາງ​ ສາຍ​ໄໝ, ​​ເຊິ່ງ​ໄດ້​ປະຕິບັດ ​ແນວ​ຄວາມ​ຄິດ​ ການ​ຮ່ວມ​ມື​ແບບ ​ສັນຕິພາບ, ​ເປີດ​ກວ້າງ​ກາ ລະ​ໂອກາດແລກປ່ຽນ​ ຄວາມ​ຮູ້ ​ແລະ ຕ່າງ​ຝ່າຍ​ຕ່າງ​ ໄດ້​ຮັບ​ຜົນ​ປະ​ໂຫຍ​ດ. ຈຸດປະສົງ​ຂອງ​ ກອງ​ປະຊຸມ​ຄັ້ງ​ນີ້ ​ແມ່ນ​ເພື່ອ​ປຶກສາ ​ຫາລື​ກ່ຽວ​ກັບ​ການ​ຊອກ​ຊ່ອງ​ທາງ​ແກ້​ໄຂ ສະພາບ​ເສດຖະກິດ ​ຂອງ​ໂລກ​ໃນ​ປັດຈຸບັນ ​ແລະ ວາງ​ແນວທາງ​ ເສດຖະກິດ​ ໃນ​ອະນາ​ຄົດ, ນະ​ໂຍບາຍ​ການ​ເງິນ ​ແລະ ການ​ພັດທະນາ​ ເສດຖະກິດ ​ແລະ ການ​ເຊື່ອມ​ຈອດ​ກັນ ​ແລະ ສົ່ງ​ເສີ່​ມການ​​ ເປັນ​ຄູ່​ຮ່ວມ​ເພື່ອ​ການ​ ພັດທະນາ ສ້າງ​ຂະ​ບວນ​ໂລກາ​ພິວັດ ​ໃຫ້​ເປີດ​ກ້ວາງ ​ແລະ ກວມ​ລວມ ​ແລະ ​ແລກປ່ຽນ​ບັນດາ​ ຂະ​ບວນການ​ວິວັດ ທີ່​ເປັນ​ຜົນ​ປະ​ໂຫຍ​ດ ​ແກ່​ທຸກ​ຝ່າຍ./.

You can skip to the end and leave a response. Pinging is currently not allowed.

Leave a Reply

*

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes