ກຸ່ມແລກປ່ຽນຂໍ້ມູນເລື່ອງທີ່ດິນ - ແນໃສ່ສົ່ງເສີມ ຄວາມເຂົ້າໃຈ ແລະຄວາມຮູ້ທ່ວງທັນ ໃນດ້ານ ເສດຖະກິດສັງຄົມ ສິ່ງແວດລ້ອມ ທີ່ກ່ຽວຂ້ອງກັບການນຳໃຊ້ເນື້ອທີ່ດິນ ໃນໂຄງການ ຕ່າງໆ, ໂດຍການເກັບກຳ ແລະ ແລກປ່່ຽນ ຂໍ້ມູນ ຂ່າວສານ, ການສົນທະນາປຶກສາຫາລື ແລະ ການຄົ້ນຄວ້າວິໃຈ

ທີ​ມ​ງານ​ນັກ​ຄົ້ນ​ຄົ້ວ​າສະ​ເໜີ​ໃຫ້ມີການ​ຄຸ້ມ​ຄອງ​​ການ​ປູກ​ໝາກ​ກ້ວຍທີ່ດີກວ່ານີ້

 

ໜັງສືພີມ ວຽງຈັນທາມສ, ເມສາ 4 2016

ທີມ​ງານ​ຄົ້​ນ​ຄົ້ວາ​ກະ​ສີ​ກຳ​ໄດ້​ຮຽກ​ຮ້ອງ​ໃຫ້​ລັດ​ຖະ​ບານ​ວາງ​ນະ​ໂຍ​ບາຍ​​ ແລະ ​ມາດ​ຕະ​ການບັງຄັບ ເພື່ອ​ຄຸ້ມ​ຄອງ​ການ​ລົງ​ທືນ​ປູກ​ຫມາກ​ກ້ວຍ​ໃນ​ປະເທດລາວ, ​ຫລັງ​ຈາກ​ພວກ​ເຂົາ​ເຫັນ​ວ່າ​ມີ​ຜົນ​ກະ​ທົບ​ດ້ານລົບ​ທາງ​ດ້ານ​ສັງ​ຄົມ​ ແລະ​ ສະພາບແວດ​ລ້ອມ​.

ທີມ​ງານ​ຈາກ​ສະ​ຖາ​ບັນ​ຄົ້ນ​ຄົ້ວາກະ​ສີ​ກຳແລະ​ປ່າ​ໄມ້​ແຫ່ງ​ຊາດ​ແລະ​ມະ​ຫາ​ວິ​ທະ​ໄລ​ແຫ່ງ​ຊາດ​ລາວ​ໄດ້​ເຮັດ​ການ​ຄົ້ນ​ຄົ້ວ​າກ່ຽວກັບການປູກ​ຫມາກ​ກ້ວຍ​ໂດຍ​ໄດ້​ຮັບ​ການ​ສະ​ຫນັບ​ສະ​ຫນູນ​ຈາກ​ຫລາຍອົງ​ການ​ຈັດ​ຕັ້ງ​ສາ​ກົນ. ຂໍ້​ສະ​ເໜີ​ແມ່ນ​ລວມ ທັງຫລັກການ ກ່ຽວກັບ​ນະ​ໂຍ​ບາຍ​ການຕະຫຼາດທີ່ເໝາະສົມເພື່ອ​ຫລີກ​ລ້ຽງຄວາມ​ສ່ຽງ​ທາງ​ດ້ານ​ລາ​ຄາຕົກຕໍ່າ​ແລະ​ຈັດ​ຕັ້ງ​ປະຕິບັດນະ​ໂຍ​ບາຍ​ບັງ​ຄັບ​ໃຊ້​ກົດ​ຫມາຍ​ສີ່​ງ​ແວດ​ລ້ອມຢ່າງຈິງຈັງ​. ພາກ​ສ່ວນ​ທີ​ກ່ຽວຂ້ອງ​ຄວນ​ສ້າງແຜນ​​ຄຸ້ມ​ຄອງ​ສະພາບແວດ​ລ້ອມ​ແລະ​ເຮັດ​ການ​ປະ​ເມີນ​ຜົນ​ກ່ອນ​ທີ່ຈະ​ອະນຸ​ມັດ​ການ​ລົງ​ທຶນ​ລັກສະນະເຊັ່ນນີ້ໃນ​ອະ​ນາ​ຄົດ. ພາກ​ສ່ວນ​ທີ່​ກ່ຽວ​ຂ້ອງ​ຍັງ​ຄວນ​ສຶບ​ຕໍ່ຈັດ​ຕັ້ງ​ປະ​ຕິ​ບັດ​ປັດ​ໃຈ​ການ​ຜະ​ລິດ​ທີ່ເປັນ​ມິດ​ຕໍ່ສະພາບ​ແວດ​ລ້ອມ​ແລະ​ຄຸ້ມ​ຄອງການ​ນຳ​ໃຊ້ສານ​ເຄ​ມີ, ຄວນ​ມີ​ເງີນ​ຄ້ຳ​ປະ​ກັນ​ລ່ວງຫນ້າ​ເພື່ອ​ຟື້ນຟູ​ສະ​ພາບ​​ແວດ​ລ້ອມ​ແລະ​ຊັບ​ພະ​ຍາ​ກອນ​ທຳ​ມະ​ຊາດ​ເຊັ່ນ:ດິນ,ຄຸນ​ນະ​ພາບ​ນ້ຳ​ ແລະ ​ອືນໆ ສຳ​ລັບ​ບໍ​ລິ​ສັດ​ທີ່ບໍ່​ປະ​ຕິ​ບັດ​ຕາມ​ເງື່ອນ​ໄຂ​. ທີມ​ງານ​ຄົ້ນ​ຄົ້ວາ​ຍັງ​ໄດ້​ໃຫ້​ຄຳ​ເຫັນ​ໃນ​ການ​ສ້າງ​ຕັ້ງ​ຄະ​ນະ​ກຳ​ມະ​ການ​​ຂັ້ນ​ແຂວງເພື່ອກວດສອບ ແລະ ລົງທະບຽນ ໃນການ​ໃຊ້ສານ​ເຄ​ມີ ລວມທັງ ​ຢາ​ຂ້າ​ສັດ​ຕູ​ພຶດ​ແລະ​ຢາ​ຂ້າ​ຫ້​ຍາ​ໃນການຜະຫ​ລິດ​ກະ​ສີ​ກຳ, ​ປັບ​ປຸງ ແລະ ບັງຄັບໃຊ້ ​ບັນ​ຊີສານ​ເຄ​ມີ​ທີ່​ຫ້າມ​ໃຊ້​ໃນ ສ​ປ​ປ ລາວ.

ລັດ​ຖະ​ບານ​ຍັງ​ຄວນ​ຈະຕ້ອງແນະ​ນຳ​ໃຫ້ພາກ​ສ່ວນ​ທີ່​ກ່ຽວ​ຂ້ອງ​ສ້າງ​ຂີດ​ຄວາມ​ສາ​ມາດ​ໃຫ້​ອຳນາດການປົກຄອງຂັ້ນ​ເມືອງ​ໃນ​ການ​ຈັດ​ຕັ້ງ​ປະ​ຕິ​ບັດ​, ການຕິດຕາມກວດ​ກາມ, ຄຸ້ມ​ຄອງ​ພາກ​ທຸ​ລະ​ກິດ​ປູກ​ຫມາກ​ກ້ວຍ​ແລະ​ສ້າງກົນ​ໄກ​ການ​ມີ​ສ່ວນ​ຮ່ວມຂອງ​ຂັ້ນ​ບ້ານ​ແລະ​ຂັ້ນ​ເມືອງ​ໃນ​ການ​ອະ​ນຸ​ມັດ​ສຳ​ປະ​ທານ​ທຸ​ລະ​ກິດ​ກະ​ສີິກຳ​. ພາກ​ສ່ວນ​ທີ່ກ່ຽວ​ຂ້ອງ​ຍັງ​ຄວນ​ສ້າງ​ຂີດ​ຄວາມ​ສາ​ມາດ​ໃຫ້​ຄະ​ນະ​ຄຸ້ມ​ຄອງ​ການ​ລົງ​ທືນ​ຂັ້ນ​ແຂວງ​ຜູ້​ທີ່ເປັນ​ເສ​ນາ​ທິ​ການ​ໃຫ້​ເຈົ້າ​ແຂວງ​ໃນ​ການ​ອະ​ນຸ​ມັດ​ການ​ລົງ​ທຶນ​ອີງ​ຕາມ​ພາ​ລະ​ບົດ​ບາດ​ຂອງ​ຕົນ​. ຄວນ​ຢຸດ​ເຊົາ​ການ​ປູກ​ກ້ວຍ​ທີ່ເຫັນ​ວ່າ​ມີ​ຜົນ​ກະ​ທົບ​ທາງ​ລົບ​ຕໍ​ສີ່ງ​ແວດ​ລ້ອມ​ແລະ​ສັງ​ຄົມ​ໃນ​ຂະ​ນະ​ດຽວ​ກັນ​ຄວນ​ສົ່ງ​ເສີມ​ແລະ ຍ້ອງ​ຍໍ​ຜູ້​ທີ່​ເປັນ​ເຮັດໄດ້​ດີ. ລັດ​ຖະ​ບານ​ຄວນ​ໂຈະ​ການ​ໃຫ້ສຳ​ປະ​ທານ​ປູກ​ກ້ວຍ100ເປີເຊັນ. ລັດຖະບານຍັງຄວນ ແບ່ງ​ງົບ​ປະ​ມານສຳລັບ​ການ​ຄົ້ນ​ຄົ້ວາ​ແລະການສຶກສາ ເພື່ອກຳນົດມາດຕະຖານດ້ານເຕັກນິກ ແລະ ເຕັກນິກ ທີ່ໃຊ້ເຂົ້າໃນການຜະລິດ ​ເພື່ອ​ເປັນ​ບ່ອນ​ອີງ​ໃຫ້​ແກ່​ການ​ອະ​ນຸ​ມັດ​ແລະ​ທົດ​ສອ​ບ​ຜົນ​ກະ​ທົບ​ອັນ​ຍາວ​​ທາງ​ດ້ານ​ສຸ​ຂະ​ພາບຂອງຄົນ​ແລະ​ສີ່ງ​ແວດ​ລ້ອມ. ເພືອ​ບັນລຸການປັບປຸງໃນທາງບວກ ​ມັນ​ຮຽກ​ຮ້ອງມີ​ການ​ຮ່ວມ​ມືອັນດີ​ຈາກ​ຂະ​ແຫນງ​ການ​ທີ່​ກ່ຽວ​ຂ້ອງຕ່າງໆ, ມີ ງົບ​ປະມານ​ໃນ​ການ​ຈັດ​ຕັ້ງປະ​ຕິ​ບັດແລະ​ການ​ຊ່ວຍ​ເຫລືອຈາກ​ອົງ​ການ​ຈັດ​ຕັ້ງ​ສາ​ກົນ​ຕ່າງ​ໆໃນ​ລາວ. ຜະລິດຕະພັນສີນ​ຄ້າ​ໝາກ​ກ້ວຍ​ໄດ້ເລີ້ມ​ຕົ້ນ​ໃນ​ປະ​ເທດ​ປີ 2005 ໂດຍ​ສະ​ເພາະ​ແຂວງ​ຫລວງ​ນ້ຳ​ທາ​ທີ່ ເກີດມີຫຼາຍຕົວແບບທີ່​ມີ​ການ​ລົງ​ທຶນ​ຮ່ວມ​ກັນເຊັ່ນ:1+4, 2+3ແລະ​ ສຳ​ປະ​ທານ 100 ເປີ​ເຊັນ​. ຍັງມີຄວາມເປັນຫ່ວງ ກ່ຽວກັບຜົນ​ກະ​ທົບ​ທາງສະພາບແວດລ້ອມ ແລະ ສັງຄົມ ຈາກ​ການ​ປູກ​ໝາກ​ກ້ວຍ​ ຍ້ອນມາດຕະຖານຄຸ້ມຄອງ ແລະ ລະບົບຕິດຕາມກວດກາຍັງຕໍ່າ, ໂດຍສະເພາະແມ່ນບໍລິສັດທີ່ປູກກ້ວຍເອງ. ການລົງທຶນ​ປູກ​ກ້ວຍ​ໄດ້​ສ້າງ​ລາຍ​ຮັບ​ໃຫ້​ແກ່​ປະ​ຊາ​ຊົນ​ໃນ​ທ້ອງ​ຖີ່ນ​ແຕ່​ມັນ​ກໍ່ໄຫ້ເກີດມີຫຼາຍບັນຫາຂື້ນ ທີ່ກ່ຽວຂ້ອງກັບ ສະພາບແວດລ້ອມ ແລະ ສຸກຂະພາບຂອງຄົນ. ​ທ່ານ ດຣ. ບຸນ​ທອງ ບົວ​ຫອມ ຫົວ​ຫນ້າ​ສະ​ຖາ​ບັນ​ຄົ້ນ​ຄົ້ວາ​ກະ​ສີ​ກຳ​ແລະ​ປ່າ​ໄມ້​ແຫ່ງ​ຊາດ​ເວົ້າ​ວ່າ: ບົດ​ຄົ້ນ​ຄົ້ວາ​ນີ້​ເປັນ​ຂໍ້​ມູນ​ອັນດີ​ໃຫ້​ແກ່ລັດຖະບານ ແລະ ​​ຂະ​ແຫນງ​ການ​ທີ່ກ່ຽວ​ຂ້ອງ​ໃນ​ການ​ຊອກ​ຫາ​ວິ​ທີ​ແກ້​ໄຂ​ບັນ​ຫາ​ແລະ​ວາງ​ນະ​ໂຍ​ບາຍດ້ານ​ອຸດ​ສາ​ຫະ​ກຳທີ່​ດີ​ກ່​ວາ​ໃນ​ອະ​ນາ​ຄົດ.​

 

You can skip to the end and leave a response. Pinging is currently not allowed.

Leave a Reply

*

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes