Working towards greater community control over land, forests and natural resources

ເຊກອງໃຫ້ແມ່ຂອງຮ່ວມທຸລະກິດ ເຊົ່າດິນປູກພືດ ແລະ ສ້າງໂຮງງານ

ເສດຖະກິດ-ສັງຄົມ, 27 ສິງຫາ 2012

ແຂວງ​ເຊ​ກອງ ໄດ້​ອະ­ນຸຍາດ​ໃຫ້​ບໍ­ລິ­ສັດ​ແມ່​ຂອງ​ຮ່ວມ​ທຸລະ​ກິດ ຈຳ­ກັດເຂົ້າ­ປູກ​ສາ­ລີ, ພືດລົ້ມ​ລຸກ, ພືດ​ອຸດ­ສາ­ຫະ­ກຳ ພ້ອມສ້າງ­ຕັ້ງ​ໂຮງ­ງານ​ປຸງ​ແຕ່ງ​ສາ­ລີຢູ່​ເມືອງ​ລະ​ມາມ ແລະ ທ່າ​ແຕງ ໃນ​ເນື້ອ­ທີ່ 200 ເຮັກ­ຕາໂດຍ​ມີອາ­ຍຸ​ສຳ​ປະ­ທານ 30 ປີ.
ພິ­ທີ​ເຊັນ​ຍາ​ສຳ​ປະ­ທານ​ໄດ້ຈັດ​ຂຶ້ນ​ເມື່ອ​ວັນ​ທີ 23 ສິງ­ຫາຜ່ານ​ມາ​ທີ່​ພະ​ແນກ​ແຜນ­ການ ແລະ ການ​ລົງ­ທຶນ ແຂວງ​ເຊກອງ, ຕາງ­ຫນ້າ​ຝ່າຍ​ແຂວງ, ລົງ​ນາມ​ແມ່ນ​ທ່ານ ຫນູ​ພອນ ເຂັມ​ມະ​ໄລ ຫົວ­ຫນ້າ​ພະ​ແນກແຜນ­ການ ແລະ ການ​ລົງ­ທຶນ​ແຂວງ​ເຊ​ກອງ ແລະ ຝ່າຍ​ບໍ­ລິ­ສັດ ແມ່ນ​ທ່ານ ເຈິນ​ທີທິງ ປະ­ທານ​ບໍລິ​ສັດ​ແມ່​ຂອງຮ່ວມ​ທຸ­ລະ​ກິດ​ຈຳ­ກັດ ໂດຍ​ມີ​ທ່ານ ລ້ຽງ ຄຳ​ພູນ ຮອງ​ເຈົ້າ­ແຂວງ​ເຊກອງ, ທ່ານ ເຈົ້າ­ເມືອງໆ​ລະ​ມາມ, ທ່ານ​ເຈົ້າ­ເມືອງໆ​ທ່າ​ແຕງພ້ອມດ້ວຍ​ຜູ້­ຕາງ­ຫນ້າ​ພະ­ແນກ­ການ​ທີ່ກ່ຽວ­ຂ້ອງ​ອ້ອມ​ຂ້າງ​ແຂວງ​ເຂົ້າຮ່ວມ. ການ​ສຳ​ປະ­ທານ​ທີ່​ດິນ​ເທື່ອ​ນີ້ ຂອງ​ບໍ­ລິ­ສັດ​ແມ່​ຂອງ​ຮ່ວມ​ທຸ­ລະກິດ​ແມ່ນ​ເພື່ອ​ປູກ​ສາ­ລີ, ພືດ​ລົ້ມລຸກ, ພືດ​ອຸດ­ສາ­ຫະ­ກຳ ແລະ ສ້າງ­ຕັ້ງ​ໂຮງ­ງານ​ປຸງ​ແຕ່ງ​ສາ­ລີ ໂດຍ​ມີ​ກຳ­ນົດ​ຊຳ​ປະ­ທານ 30 ປີ ນັບ​ແຕ່​ມື້​ທຳ​ການ​ຜະ­ລິດ​ປົກ­ກະ­ຕິເປັນ­ຕົ້ນ​ໄປ ເຊິ່ງ​ແຂວງ​ເຊ​ກອງເຫັນ​ດີ​ໃຫ້​ສຳ​ປະ­ທານ​ທີ່​ດິນ​ໃນເນື້ອ­ທີ່​ທັງ​ຫມົດ 200 ເຮັກ­ຕາ ສຳ­ລັບ​ການ​ສຳ​ລະ­ສະ​ສາງ​ຝ່າຍບໍ­ລິ­ສັດ​ຕ້ອງ​ເສຍ​ພັນ­ທະ​ໃຫ້ແຂວງ​ນັບ​ແຕ່​ດຳ­ເນີນ​ການ​ກໍ່ສ້າງ​ເຊັ່ນ: ອາ­ກອນ​ລາຍ​ໄດ້​ຈາກເງິນ­ເດືອນ​ພະ­ນັກ­ງານ, ກຳ​ມະກອນ​ທັງ​ຫມົດ​ພ້ອມ​ທັງ​ຄ່າ​ທຳນຽມແລະ ຄ່າ​ບໍ­ລິ­ການ​ອື່ນໆ ຍົກ­ເວັ້ນ​ແຕ່​ອາ­ກອນ​ກຳ­ໄລ​ເປັນເວ­ລາ 4 ປີ, ຈາກ​ນັ້ນ​ແມ່ນ​ຈະ​ໄດ້ມອບ​ພັນ­ທະ​ອາ­ກອນ​ກຳ­ໄລ​ໃຫ້ລັດ​ຕາມ​ກົດ­ຫມາຍ​ສ່ວຍ​ສາ​ອາກອນ. ຢ່າງ­ໃດ​ກໍ່​ຕາມ ການ​ສຳ​ປະທານ​ທີ່​ດິນ​ນອກ­ຈາກ​ຈຸດ­ປະ­ສົງດຳ­ເນີນ​ໂຄງ­ການ​ພັດ­ທະ­ນາ ເພື່ອປູກ​ຫມາກ­ສາ­ລີ, ພືດ​ລົ້ມ​ລຸກ, ພືດອຸດ­ສາ­ຫະ­ກຳ ແລະ ສ້າງ­ຕັ້ງ​ໂຮງງານ​ປຸງ​ແຕ່ງ​ສາ­ລີ​ແລ້ວ, ຍັງ​ມີຈຸດ­ປະ­ສົງ​ເພື່ອ​ເຮັດ​ໃຫ້​ທີ່​ດິນ​ໄດ້ຮັບ​ການ​ພັດ­ທະ­ນາ​ດ້ວຍ​ການ​ລົງທຶນ, ດ້ວຍ​ແຮງ​ງານ, ວັດ­ຖຸ​ທຶນຮອນ, ການ​ກໍ່­ສ້າງ​ພື້ນ­ຖານ​ໂຄງລ່າງ​ເຮັດ​ໃຫ້​ທີ່​ດິນ​ມີ​ຄຸນ​ນະ​ພາບ ແລະ ເພີ່ມ​ມູນ​ຄ່າ​ຂອງ​ທີ່​ດິນ ເພື່ອໃຫ້​ເສດ­ຖະ­ກິດ-ສັງ­ຄົມ​ມີ​ການ​ຂະຫຍາຍ​ຕົວ ສາ­ມາດ​ຫລຸດ­ຜ່ອນຄວາມ­ທຸກ​ຍາກ​ຂອງ​ປະ­ຊາ­ຊົນໃນ​ເຂດ​ທ້ອງ­ຖິ່ນເປັນ​ໄປ​ຕາມແນວ ­ທາງ​ນະ­ໂຍ­ບາຍ​ຂອງ​ພັກ-ລັດ​ນຳ​ອີກ.

You can skip to the end and leave a response. Pinging is currently not allowed.

Leave a Reply

*

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes