ກຸ່ມແລກປ່ຽນຂໍ້ມູນເລື່ອງທີ່ດິນ - ແນໃສ່ສົ່ງເສີມ ຄວາມເຂົ້າໃຈ ແລະຄວາມຮູ້ທ່ວງທັນ ໃນດ້ານ ເສດຖະກິດສັງຄົມ ສິ່ງແວດລ້ອມ ທີ່ກ່ຽວຂ້ອງກັບການນຳໃຊ້ເນື້ອທີ່ດິນ ໃນໂຄງການ ຕ່າງໆ, ໂດຍການເກັບກຳ ແລະ ແລກປ່່ຽນ ຂໍ້ມູນ ຂ່າວສານ, ການສົນທະນາປຶກສາຫາລື ແລະ ການຄົ້ນຄວ້າວິໃຈ

ບໍລິສັດຫວຽດນາມຈະເຮັດສວນຢາງພາລາ 1000 ເຮັກຕາຢູ່ພາກເໜືອຂອງລາວ

ຫວຽດນາມ, 25 ພຶດສະພາ 2012

Dien Bien Rubber JSC, ໄດ້ເຊັນບົດບັນທຶກຄວາມເຂົ້າໃຈກັບລັດຖະບານລາວເພື່ອສຶກສາຄວາມເປັນໄປໄດ້ໃນການໂຄງການເຮັດສວນຢາງພາລາໃນເມືອງຮຸນ ແລະ ເມືອງແບ່ງ, ແຂວງອຸດົມໄຊ ພາກເໜືອ ຂອງລາວ. ບົດບັນທຶກຄວາມເຂົ້າໃຈຖືກຕົກລົງກັນທີ່ ນະຄອນຫຼວງວຽງຈັນ ທີ 25 ເດືອນພຶດສະພາ ໂດຍ ຜູ້ອຳນວຍການບລິສັດ ທ່ານ Nguyen Hong Thang ແລະ ຝ່າຍລາວຮອງນາຍຍົກລັດຖະມົນຕີກະຊວງ ແຜນການ ແລະ ການລົງທຶນ ບຸນທະວີ ສີສຸພັນທອງ. ເຊິ່ງຈະກວມເອົາເນື້ອທີ່ 1000 ເຮັກຕາ, ເປັນການເຮັດສວນຢາງ ທຳອິດຂອງຫວຽດນາມຢູ່ເຂດພາກເໜືອຂອງລາວ, ທ່ານ Thang ກ່າວ. ໂຄງການນີ້ ຄາດວ່າ ຈະມີສ່ວນໃນການປ່ຽນ ແປງວິຖີການເຮັດກະສິກຳ, ສ້າງວຽກເຮັດງານທຳທີ່ໝັ້ນຄົງໃຫ້ກັບຄົນລາວທ້ອງຖິ່ນ ແລະ ເປັນການສົ່ງເສີມການຮ່ວມມືລະຫວ່າງລາວ ແລະ ຫວຽດນາມ ກໍຄື ດຽນບຽນຟູ ແລະ ສະເພາະ ແມ່ນແຂວງອຸດົມໄຊ, ທ່ານກ່າວ. ໃນນາມລັດຖະບານລາວ, ທ່ານບຸນທະວີ ສີສຸພັນທອງກ່າວຊົມເຊີຍ ບໍລິສັດຫວຽດນາມ ເຊິ່ງເປັນທຸລະກິດຫວຽດນາມທຳອິດທີ່ປູກຢາງພາລາໃນພາກເໜືອຂອງລາວ, ເຖິງແມ່ນ ວ່າມັນມີຄວາມຫຍຸ້ງຍາກ, ໂດຍສະ ເພາະເລື່ອງໂຄງຮ່າງພື້ນຖານ. ທ່ານກ່າວວ່າ ລັດຖະບານລາວ ຈະເພີ່ມເງື່ອນໄຂ ສະດວກສຳລັບບໍລິສັດເພື່ອຮັບປະກັນຄວາມຄືບໜ້າຂອງໂຄງການ, ເພີ່ມທະວີສາຍສຳພັນອັນຮັດ ແໜ້ນ  ແລະ ຄວາມສຳພັນພິເສດລະສອງປະເທດອ້າຍນ້ອງ.

You can skip to the end and leave a response. Pinging is currently not allowed.

Leave a Reply

*

Powered by WordPress | Download Free WordPress Themes | Thanks to Themes Gallery, Premium Free WordPress Themes and Free Premium WordPress Themes